Күз келді, алақай!

Әдемі безендірілген залға балалар көңілді музыкамен «қолшатырмен» кіреді.

Жүргізуші: Сәлеметсіздер ме, балалар! Бүгінгі «Күз келді, алақай!» мерекесіне жиналған қауым. Күз мерекесі құтты болсын!

Жапқандай жапырағымен іздерді,

Қуантып байлығымен ізгі елді,

Бір тойдырып қайту үшін елімді

Сабырлы сары Алтын күз келді.

Ән: «Алтын күз»

Жаз: Сәлеметсіңдер ме, балалар! Жаздай менімен бірге болдыңдар, мен сендерге жұмбақ әкелдім.

1.Бұтақта ілініп тұрамын,

Піскенде себетке құладым.(Жеміс)

2. Ашулы қонақ бұл анық,

Тонып шешсе жыладық. (Пияз)

3. Өсірер тың дала,

Көшірер қамбаға.

Айналар ұнға да

Айналар нанға да. (Бидай)

4. Сырты қатты,

Іші тәтті. (Қарбыз)

5. Өсірдім ұлпа қар,

Шешуін кім табар. (Мақта)

Жаз; Жарайсыңдар, балалар, енді менің кететін уақытым болды. Енді мен тәжімді күзге тапсырамын. Келесі кездескенше сау болыңдар!

Күз: Ерінбестен еңбек етіп келетін

Еңбекшіге бар жемісін беретін

Мен мырза күз, ынтымақты еліңе

Берекелі ырыс болып енетін

Сәлеметсіздер ме, балалар! Мен сендерге күзгі саябақтан келіп тұрмын. Сендердің өнерлеріңді тамашалауға келдім.

Жүргізуші: Күз ханшайымы, балалардың сізге арнаған жылы лебіздерін қабыл алыңыз.

Нұрислам:

Жайдарлы күз, жарқын күз,

Аяулы күз, алтын күз,

Дәнге толы кең далам,

Дариядай шалқар күз.

Малика:

Сары жібек көйлегін желбіретіп,

Жапырағын ағаштың селдіретіп.

Тойға бөлеп елімді күзім келді,

Нұр тамшысын аспанның мөлдіретіп.

Абылай:

Жетті желмен алтын күз,

Жеміс жинау салтымыз.

Жиып теріп болған соң

Той жасайды халқымыз.

Мол өнімді жинаймыз,

Елге бәрін сыйлаймыз.

Жүргізуші: Рахмет балалар! Жылдың қай мезгілін алсақ та табиғат өз ерекшеліктерімен сұлу көрінеді. Табиғатты сүйіп, оны аялап күту — әрбір адамның міндеті. Өйткені бізді қоршаған табиғат аман болса, бізде әрқашан көңілдіміз. Осындай көңілді шақта балалардың биін қабыл алыңыздар.

Би: «Бұлт»

Жүргізуші: Күз ханшайымы балалардың сізге арнаған тағы жылы лебіздерін қабыл алыңыз.

Тақпақтар орысша

Ойын: «Дәмін тат та, атын ата»

Ән: «Күзгі жаңбыр»

Тақпақтар: ағылшынша

Би: Көкөністер мен жемістер

Жүргізуші: Ендеше балалар, тағы бір ойынымызды ойнап көрейік.

Ән: ағылшынша

Ойын:« қолшатыр»

Күз: жарайсыңдар,  балалар! Ой, рахмет, балалар! Мен сендерге қатты риза болып отырмын. Жомарт күздің сыйлығы бәріне де жетеді. Өмірлерің осы алмадай тәтті болсын деп бір бірден үлестіреді.

Балалар: Рахмет!

жүргізуші: «Алтын күзді» шығарып салайық.

Ән: Күз келді Алақай

Осымен ертегілігіміз аяқталды. Сау болыңыздар!

Қожақова Айман Жалғасбековна,

№45 «Алтын бала» бөбекжайының

тәрбиешісі,

Ақтөбе қаласы