Кітапхана жұмысына жаңа ақпараттық технологияларды қолдану

Кітапхана қызметіне электрондық бағдарламаларды пайдалануды жетілдіру бағытында «Өрлеу» БАҰО» АҚ филиалы Атырау облысы бойынша педагогикалық қызметкерлердің біліктілігін арттыру институтының кітапхана бөлімінің ұйымдастыруымен Атырау облысы Мақат ауданындағы Мұнай және газ технология колледжі базасында «Оқырмандарға қызмет көрсетуде жаңа ақпараттық технологияларды қолдану»  тақырыбында облыстық оқу-әдістемелік семинар өткізді.

Семинар жұмысына облыстық техникалық және кәсіптік білім беру колледждерінің кітапхана меңгерушілері, «Өрлеу» БАҰО» АҚ филиалы Атырау облысы бойынша ПҚБАИ қызметкерлері қатысты.

Оқыту-семинарына қатысушылар кітапхана жүйесі қызметінде аудио-видео құралдар, компьютер, интерактивті тақта, интернет, компьютер, мультимедиялық құралдар мен электрондық оқулықтарды, оқу-әдістемелік кешені, инновациялық ақпараттық банкі мен инновациялық сайттарды пайдалануды меңгеру мәселесі бойынша іс-тәжірибелерімен бөлісті.

Семинар жұмысына белсене қатысқан кітапханашылар институттың арнайы Сертификаттарымен марапатталды.

«Өрлеу» БАҰО»АҚ филиалы

Атырау облысы ПҚБАИ баспасөз қызметі