Білім айнасы газеті Республикалық газет Кеше, Павлодар облысының аймақтық оқу-тәжірибелік дене тәрбиесі орталығының күнтізбелік жоспарына сәйкес, «Шахмат Үйі» № 3 БЖСМ 17-ші облыстық спартакиадасы және 2 лига колледждерінің 27-ші облыстық олимпиада бағдарламасында тоғызқұмалақтан ұлдар мен қыздар арасында жарыстар өтті.
Жарысқа колледждер арасында Павлодар бизнес колледжінің 1 лига (ұлдар) командасы бірінші орынға ие болды, Екібастұз политехникалық колледжі екінші орынға және Павлодар түсті металлургия колледжі үшінші орынға ие болды.
Қыздар арасында бірінші орынды — ИНЕУ Колледжі, екінші орынды Павлодар педагогикалық колледжі, үшінші орынды Павлодар түсті металлургия колледжі еншіледі.
Екінші кезеңде Павлодар машина жасау колледжінің 2 лига (ұлдар) командасы бірінші орынды жеңіп алса, екінші орынды – КАТК, үшінші орын – Павлодар техникалық сервис колледжі иеленді.
Қыздар арасында бірінші орынды Павлодар теміржол колледжі, екінші орын – Павлодар инновациялық көп профильді колледжі, үшінші орын – Павлодар Гуманитарлық-педагогикалық колледжі иеленді.
Байқау жеңімпаздары мен жүлдегерлер білім беру басқармасының аймақтық оқу-тәжірибелік дене тәрбиесі орталығының тиісті дәрежедегі естелік дипломдарымен және медальдарымен марапатталады.
Айгүл Молдаш,
Білім айнасы,
Павлодар қаласы
