Білім айнасы газеті Республикалық газет Жингилбаева Айзат
Қарағанды облысы,
Жезқазған қаласы,
№133 негізгі орта мектептің
дене тәрбиесі пәнінің мұғалімі
Сабақтың мақсаты: 1. Оқушыларға олимпиада чемпионы – Бекзат Саттарханов жайында мәлімет беру. Жас ұрпақты атақты спортшының өмірімен таныстыру. Балалардың бойындағы спортқа деген құлшыныстарын ояту. Әр түрлі ой дамыту стратегиялары арқылы өздік жұмыс істеуге, ізденуге, творчестволық ойлануына ықпал ету. Бекзаттың жеңісі арқылы балаларды жақсы қасиеттерге тәрбиелеу. Отанын, елін, жерін сүйетін ұлтжанды азамат болуға үйрету.
Жас ұрпақты спортпен шұғылдануға баулу. Спортты және салауатты өмірге насихаттау.
Көрнекіліктер: Бекзаттың портреті, Бекзат туралы буклеттер, слайд, бейнекөріністер.
(Сахна Бекзаттың портреті ілініп, әр-түрлі шарлармен және гүлдермен безендірілген Баяу бір сарында музыка ойнап тұрады. «Бекзатқа арнау» )
1 жүргізуші: Ассалаумағалейкум Алаш жұрты!
2 жүргізуші: Армысыздар ардақты ұстаздар мен оқушылар!
1 жүргізуші: Елдік мүддені міндетім деп, ұлттық мұратты арманым деп, талай сын сағаттарда елінің намысын абыроймен қорғаған, ер-жүрек азаматтарымыз көптеп табылады.
2 жүргізуші: Қазақ ханы, ұлы мемлекет қайраткері қолбасшы және дипломат Абылайхан 18 жасынан бастап жоңғарларға қарсы ұрыстарға араласып, жиырма жасында қан майданда ерлігімен танылса, қаз дауысты Қазыбек би 13 жасында жоңғар қоңтайшысын сөзден жығып дүйім жұртқа әйгілі болған екен.
1 жүргізуші: Талғат Бегельдинов 20 жасында екі мәрте кеңес одағының батыры атанса,шығыстың қос қарлығашы Әлия мен Мәншүк өшпес ерлік көрсетті.
2 жүргізуші: Әйгілі Серік Қонақбаев 20 жасында олимпиадада күміс медальді жеңіп алды.
1 жүргізуші: Ал, Бекзат осындай батыр бабалардың ер-жүректілік қасиетін бойына сіңірген асыл текті азаматымыз. Туған халқының спорттық тарихынан өз орнын ойып тұрып алған саңлақ. Қазақ боксшыларынан шыққан тұңғыш Олимпиада чемпионы!20 жасында құйрықты жұлдыздай ағып өткен Бекзаттың жиырма жыл ғұмырыда сондай өнегелі.
2 жүргізуші: Сиднейдегі жиналған жұрт табынып,
Болған жоқ кешегі жеңіс әлі ұмыт.
Өнеріне сүйсінген халық тік тұрып,
Періште ұлын еске алайық сағынып.
1 жүргізуші: 1 минут үнсіздікпен еске алайық.
Алаш жұрты жиырма жыл сарыла күткен алтын медалі баяу жылжыған секунд тілімен бірге жақындай түсті.Соңғы он бес секундты, бәлкім,жұмыр жердегі он үш миллион қазақ бір адамдай сыбырлап,күбірлеп бірге санаған шығармыз.Бекзат Саттарханов –олимпиада чемпионы!
1 жүргізуші: Олимпиадалық клип «Чемпиондар әні»
2 жүргізуші: Бекзат Саттарханов 1980 жылы 4 сәуірде Түркістан қаласындағы қарапайым отбасында дүниеге келген. Бекзат – әкесі Сейілхан мен анасы Сырлыкүлдің кенже баласы. Саттархановтардың Бекзаттан өзге мектеп қабырғасындағы спорттық бәсекелерде оза шапқан үш ұлы болды. Бала кезінде өте нәзік, аурушаң, әлжуаз болған Бекзаттың атағы жер жүзіне жайылатынын даңқты боксшы шығады деп ешкім ойламаса керек. 1986-1996 жылдар аралығында Абай атындағы мектеп-интернатта, кейін Жұмабек Еділбаев атындағы №18 орта мектепте оқиды. 1995 жылы алғаш рет бокс үйрімесіне жазылып, балалар бапкері Нұрлан Жұмабаевтан тәлім ала бастайды. Бекзаттың бойында бала күнінен бері байқалатын бір қасиет болған. Ол өзін жеңген боксшыдан міндетті түрде есе қайтаруды мақсат тұтады екен. Бекзат заң саласы мамандығын игерген. Алдымен Мұхтар Әуезов атындағы Оңтүстік Қазақстан мемлекеттік университетінің дене шынықтыру факультетіне түсіп, кейін Түркістан қаласындағы Қожа Ахмет Ясауи атындағы халықаралық қазақ-түрік университетінің заң факультетін тәмамдаған. Бекзат бокста Серік Қонақбаевты үлгі тұтқан. 1980 жылы Мәскеу Олимпиадасының финалында Серік Қонақбаев жұдырықтасқан сәтте Бекзат бесікте жатқан сәби еді. Анасы Сырлыкүл Саттарханованың Серік Қонақбаев секілді Бекзат та чемпион болсын деген үлкен арманы болған. Бекзат кейін ана арманын орындайды.
2 жүргізуші: Би «Бәйге»
1 жүргізуші: Бекзат боксқа 14 жасынан бастап қатыса бастады.1995 жылы оны бокс кілеміне шығарған жаттықтырушы Нұрлан Жұмабаев еді.Кейінгі бапкері Анатолий Петрович Визирякин.
2 жүргізуші: 1995 жыл.Шымкент қаласы. Осы жылы Облыстық ДЮСШ-ның жеңімпазы болды.
1 жүргізуші: Түркістан қаласы. З.Сейтбековті еске алу турнирінің жеңімпазы.
2 жүргізуші: Арыс қаласы Жеңістің 50 жылдығына арналған турнирдің жеңімпазы.
1 жүргізуші: 1996 жыл. Жезқазған қаласы Қазақстан республикасы біріншілігінің жүлдегері.
2 жүргізуші: Төле би. Ақжол Асқаров атындағы I -Халықаралық турнирдің жеңімпазы.
1 жүргізуші: Қостанай қаласы. Қазақстан біріншілігінің жеңімпазы.
2 жүргізуші: Кентау қаласы. Қ.Шағатаев атындағы Халықаралық турнирдің жеңімпазы.
1 жүргізуші: Шымкент қаласы Облыстық спорт мектептері арасындағы жарыстың жеңімпазы.
Күй: «Балбұлақ»
2 жүргізуші: 1997 жыл. Германия. Кельн қаласы Халықаралық турнирдің жеңімпазы.
1 жүргізуші: Финлянда. Хельсинки қаласы Халықаралық турнирдің жеңімпазы.
2 жүргізуші: Қарағанды қаласы. Халықаралық турнирдің жүлдегері.
1 жүргізуші: Шымкент қаласы. Облыстық ашық біріншілігінің жеңімпазы.
2 жүргізуші: Түркістан қаласы Әбдісалан Нұрмаханов атындағы Халықаралық турнирдің жеңімпазы.Осы жолы турнирдің ең үздік боксшысы атағына ие болды.
Алдарыңызда мектебіміздің жас акробатшылары.
1 жүргізуші: 1998 жыл. Қостанай қаласы Қазақстан біріншілігінің жүлдегері.
2 жүргізуші: Шымкент қаласы Қарақозы Әбдәлиев атындағы Халықаралық турнирдің жеңімпазы.
1 жүргізуші: Шымкент қаласы Жастар арасында Қазақстан біріншілігінің жеңімпазы.
2 жүргізуші: Алматы қаласы Сағадат Нұрмағанбетов атындағы Халықаралық турнирдің жеңімпазы.Осы турнирде ең үздік боксшы атағына ие болды.
1 жүргізуші: Тайпей Жастар арасында бүкіл Азия біріншілігінің жүлдегері.
2 жүргізуші: Буэнос-Айрес Аргентина. Жастар арасындағы әлем біріншілігінің күміс жүлдегері.
1 жүргізуші: Венгрия. Балатон қаласы Халықаралық турнирдің жеңімпазы.
Ән: «Қазақ жігіттері»
2 жүргізуші: 1999 жыл. Болгария. София қаласы Халықаралық турнирдің жеңімпазы.
1 жүргізуші: Қазақстан біріншілігінің күміс жүлдегері.
2 жүргізуші: Қырғызстан Бішкек қаласы III-ші Орта Азия ойындарының жеңімпазы.
1 жүргізуші: Ташкент қаласы Азия чемпионының күміс жүлдегері. Осы жолы ол Сиднейдегі олимпиялық ойындарға жолдаманы жеңіп алды.
2 жүргізуші: 2000 жыл. Астана қаласы Қазақстан — Куба боксшылары кездесуінде кубалық боксшы Видал Джонсонды жеңіп шықты.Нұрсұлтан Назарбаев бұл ойынға куә болды.
1 жүргізуші: Қазақтың қандай болғанын,
Әлемге бүкіл ұқтырып.
Кубаның түйе балуанын,
Құлаттың тізе бүктіріп.
2 жүргізуші: Испания. Мадрид қаласы. Халықаралық турнирдің жүлдегері.
1 жүргізуші: Чехия. Прага қаласы. Халықаралық турнирдің жеңімпазы, “Гран при” жүлдесінің иегері.
Алдарыңызда мектебіміздің жас боксшылыры
2 жүргізуші: Москва қаласы.Халықаралық (ТМД) елдері турнирінің жеңімпазы.Осы турнирде ең үздік боксшы атанды.
1 жүргізуші: Австралия Сидней олипиядалық ойындарының алтын медаль иегері.
2 жүргізуші: 2000 жыл 12 қазан бірінші дәрежелі «Барыс» орденімен марапатталды.Бекзат Саттарханов тірі болғанда 38 жасқа толар еді.
1 жүргізуші:
Саттарханов Бекзатым
Мәрт жігітсің баршамызға ең жақын.
Жер жүзіне таныттың ғой Сиднейде,
Кіші Мекке Түкістанның жақсы атын.
Түркістанның салтанатты тойына,
Тарту еттің жеңісіңді бағыштап.
ЮНЕСКО да атап күткен бұл тойға,
Алтын алқа жеңісіңді табыстап.
Аласұрған қызыл қанды шайқастар,
Рамазан Полянимен айқастың.
Рингте шебер қимыл танытып,
Дүл-дүлдермен жеңіс үшін алыстың.
Сиднейдің тұғырына ұмтылып,
Қазақстан көк байрағы құлпырып.
Құрметіне Бекзаттайын қыранның,
Ән ұраны асқақтайды шарқ ұрып.
Ринг пен тақтың төрінде тұрдың,
Жеңістің жалауы салтанат құрды.
Жұлдызын жандырып тәуелсіз елдің,
Өзі де көкте жұлдыз боп тұрды.
2 жүргізуші: Халықаралық қазақ-түрік университетінің студенті,Қазақстан ұлттық құрама командасының мүшесі,Халықаралық дәрежедегі спорт шебері,шебер боксшы Бекзат Сейілханұлы Саттарханов 2000 жылы 31 ші желтоқсан түнінде қайғылы қазаға ұшырады.Қазақ халқын Сидней олимпиадасында әлемге танытқан киелі Түркістан қаласының перзенті Бекзат Саттархановты еске алу үшін 2001 жылы 23 желтоқсанда ескерткіш ашылды. Ескерткіш биіктігі 20 метр. ХХ- шы ғасырда 20 жыл өмір сүрген Сидней олимпиадасының алтын жүлдегері Бекзат Саттархановқа арнап Бекзат Саттарханов атындағы спорт кешені құрылды. Ахмет Яссауи мен Бекзат Саттарханов есімі Қазақстан аспанында сөнбес жұлдыздай жарқырай береді.
Жиырма ғасыр….
Жиырма жыл….
Жиырма жас….
Қазақ қапыл-
Құбылыс-Құйынға мас:
Жиырма Бірдің….
Киелі Қазанынан,
Аққан жұлдыз-
Бекзатқа бұйырмады Ас….
Бұйырмады….
Жиырма-
Бұйырғаны!
Жиырма-
Қыршынының қиылғаны!
Құдай деген халықтың-
Жиырма ғасыр
Жиырма Бірде
Көз жасы тыйылмады!
Өзінің қысқа ғұмырында Бекзат Саттарханов 142 рет шаршы алаңға шығып, оның 131-інде жеңіске жетті.
2 жүргізуші: Сахнаға Бекзат Саттархановтың ізбасарлары мектебіміздің жас спортшыларын шақырамыз.
Ән: Көк тудың желбірегені!
(Әр оқушының қолында кішкентай ту)
(Ән орындалып болған соң оқушылар бұрылып сахнадан шығып кетеді)
