ЖАҺАНДАНУ ЖАҒДАЙЫНДА ҚАЗАҚСТАНДА ТІЛДІК БІЛІМ БЕРУ

А.Байтұрсынов атындағы Қостанай мемлекеттік университетінің шетел филиологиясы кафедрасы мен «Өрлеу» БАҰО» АҚ филиалы Қостанай облысы бойынша ПҚ БАИ» бірлесіп, «Жаһандану жағдайында Қазақстанда тілдік білім беру» жыл сайынғы Халықаралық форумы өткізілді.
Форумның мақсаты әлемдік білім кеңістігіне рухани дамудың және табысты бірігудің факторы ретінде Қазақстанда тілдік білім беруді жетілдіру мәселелерін талқылау болды.
Халықаралық форумға «Өрлеу» БАҰО» АҚ филиалы Қостанай облысы бойынша ПҚ БАИ» ағылшын тілі пәні топтарының мұғалімдері, Назарбаев Зияткерлік мектебінің оқытушылары, А.Байтұрсынов атындағы Қостанай мемлекеттік университетінің оқытушылары, көптілді топтарда жұмыс істейтіндер мен басқа ЖОО және Қостанай қаласы колледждерінің өкілдері қатысты.
Форумда шебер-сыныптарды өткізу үшін Назарбаев Зияткерлік мектебінен Richard Edain мен Mark O’Brien оқытушылары шақырылды.
Mark O’Brien сыныпта инклюзивті білім беру мәселесі туралы баяндады, осы бағыттағы түрлі тармақтарға тоқталып, рөлдік жағдайлар көмегімен аудиторияны осы мәселені белсенді талқылауға қызықтырды. Richard Edain, «5 путей, как мотивировать студентов читать» тақырыбына шебер-сынып өткізді. Сұрақтар және тапсырмалар көмегімен алға қойған міндеттердің шешімін табудың дұрыс жолын көрсетті.
Мұғалімдер шетелдік оқытушыларын қызығушылықпен тыңдады, тапсырмаларды орындады, сұрақтарға жауап беріп, рөлдік жағдайларға көшті. Топтарға бөлініп ақылдасты, тақылады және қорытындыларымен бөлісті.
Форумдағы маңызды тақырыптар: Қазақстандағы тіл саясаты, мектептегі көптілді білім беру, арнайы мақсаттағы ағылшын тілі, мәдениетаралық қарым-қатынас, ағылшын тілінде сабақ берудегі  инновациялық оқыту әдістемесі және басқа да көптеген тақырыптар болды.
Сонымен қатар, аудитория алдында А.Байтұрсынов атындағы Қостанай мемлекеттік университетінің шетел филиологиясы кафедрасының педагогтары сөз сөйлеп, көптеген жаңа ақпараттар берді.
Форумның соңында әр қатысушының өз пікірін айту мүмкіндігі болды және өздерінің алған әсерлерімен бөлісті.

Бакуменко С.В.,
«Өрлеу» БАҰО» АҚ филиалы Қостанай облысы бойынша
ПҚ БАИ» қоғаммен байланыс және баспа қызметінің бөлімінің
жетекші маманы