Жаңа жылдық карнавал

(Барлық топтарға арналған)

Музыка әуенімен  балалар ортаға келеді.

Жүргізуші: Сәлеметсіңдерме, балалар! Сендер осында не үшін келдіңдер?

Балалардың жауабы:

Жүргізуші: Мүмкін, сендер карнавалға келдіңдер?

Балалар: Иә!

Жүргізуші: Тамаша, олай болса ортаға келіңдер. Барлығымыз бірге ән шырқайық.

«Орманда шырша туыпты» (балалар шеңберде қалады).

Жүргізуші: Керемет балалар, қалай ойлайсыздар, бүгін бізге қонаққа кім келеді?

Балалардың жауабы:

Жүргізуші: Дұрыс айтасыңдар, біз қонақтарды күткенше, бір өте қызық ойын ойнайық.

Ойын «Шапшаң бол!».

Шарты: Балалар шеңберде тұрады, жүргізуші әрбіріне қар береді, балалар шеңберге тұрып,  осы қарды қыс мезгіліне қатысты сөздерді атап бір-біріне береді. Музыка тоқтағанда қар кімнің қолында, сол Жаңа жылды шақырады.

Жүргізуші: Балалар, Жаңа жыл қонақтары келмей жатыр. Демек, ол біздің қаттырақ шақырғанымызды қалап тұрған шығар. Қане, қаттырақ дауыстап, барлығымыз қол соғайықшы. Балалар: Жаңа жыл, кел, кел, кел! деп қолдарын қаттырақ соғады. Сол кезде ортаға музыка әуенімен залға Аяз ата, Ақшақар, Мыстан кемпір мен Ит жылы шығады.

Кейіпкерлердің сөздері: «Шырша шамын жағамыз,

                                           Шырша, шырша, шыршамыз,

Шамдарынды жарқырат! (З рет)

Жүргізуші: Аяз ата балалармен бір тамаша ойын ойнашы.

Ойын: «Дене мүшесі».

Шарты: Балалар музыка әуенімен билеп тұрады да, музыка тоқтағанда аталған дене мүшесін ұстауы керек.

Ойын: «Аңдар биі».

Шарты: Балалар атаған аңдардың қимылдарын көрсетіп билеу керек.

Жүргізуші: Тамаша, балалар! Бүгін біздің балабақшаға ерекше әрі ғажайып ертегі қонақтары келді. Қарсы аламыз ба? Олай болса, қонақтарды қарсы алып қатты-қатты қол соғайықшы!

Музыка әуенімен Фьекалар келеді.

Жүргізуші: -Керемет, балалар! Сендер би билегенді ұнатасыңдар ма?

-Иә!

-Олай болса дискотеканы бастайық. Ал, билеуге дайынсыңдар ма ?

Ойын: «Балалар дискотекасы».

Жүргізуші: Өте жақсы, балалар! Сендерге би ұнады ма?

-Иә!

-Енді біз алыс жолдан келген қадірлі қонақтарымызға жылы лебіздерімізді білдіріп, әнге кезек берсек қалай қарайсыңдар?

-Иә, апай! Ән айтайық!

-Керемет!

Ән: « Аппақ, аппақ даламыз»

Жүргізуші: Балалар, Аяз ата мен Ақшақардың сендерге айтары бар екен, тыңдаймыз ба?

-Тыңдаймыз!

Аяз ата мен Ақшақар балаларға сыйлықтарын таратып, жақсы тілектер айтып, қоштасады.

Жүргізуші: Балалар, сендерге бүгінгі сабақ ұнады ма?

-Ұнады.

-Онда осымен сабағымызды аяқтаймыз. Сабаққа жақсы қатысқандарыңыз үшін барлығыңа алғысымды айтамын. Сау болыңдар!

АХМАДИЕВА Балжан Болатқалиқызы,
Павлодар қаласы
№33 сәбилер бақшасының
музыка жетекшісі