Жаңа дәуірдің мектебі

«Назарбаев Зияткерлік мектептері» дербес білім беру ұйымы
 2018 жылдың 25-26 қазанында Астана қаласында «Назарбаев Зияткерлік мектептері» дербес білім беру ұйымының 10 жылдығына арналған «Жаңа дәуірдің мектебі» тақырыбында оныншы халықаралық конференция өтеді. Конференцияға  Ұлыбритания, Финляндия, АҚШ, Қытай, Ресей, Германия, Нидерланд, Норвегия, Армения, Өзбекстан, Қырғызстан және бұдан басқа 20  мемлекеттен  екі мыңнан аса ғалымдар мен мұғалімдер қатысады деп күтілуде. Қазақстанның атынан еліміздің түкпір-түкпірінен келген үздік мұғалімдер қатысады. Астанаға беделді сарапшылар мен спикерлер келеді деп күтілуде. Олардың қатарында Кембридж университеті білім факультетінің деканы Сьюзан Робертсон, Лондон университеттік колледжі Білім институтының құрметті профессоры, «мықты білім» теориясының авторы Майкл Янг, аты аңызға айналған совет педагогы, гуманды педагогика теориясының негізін қалаушы Шалва Амонашвили, Гонконг университетінің білім саясаты департаментінің директоры, қытай білім жүйесіндегі реформаторлардың бірі Кай-Минг Чен, EduCluster Finland – инновация және сыртқы байланыс директоры, финдік білім жүйесінің инноваторы Дэвид Марш, Массачусетс технология институтының профессоры Томас Хсу, сондай-ақ білім саласындағы басқа да ғалымдар мен топ-менеджерлер бар.

Конференция 12 бағытта жұмыс жасап, онда 50 астам іс-шара өткізіледі. Жиында білім жүйесіндегі өзгерістер, мұғалімдерді оқыту, кәсіби дамыту және олардың жан-жақты өркендеуі, орта білім куррикулумындағы инновация мен тенденция жөнінде пленарлық және секциялық отырыстар жоспарлануда. Әртүрлі форматтағы жұмыстар, атап айтқанда: баяндамалар, шеберлік-сағаттары, презентациялар, дөңгелек үстелдер, панелдік дискуссиялар, семинарлар, постер-сессиялар мен білім ресурстарының көрмесін өткізу жоспарланған.

Сегіз жылда астаналық конференция отандық және ғаламдық білім саласының ең өзекті мәселелерді талқылауға арналған ғылым әлеміндегі беделді алаңға айналды.

Конференция туралы қосымша ақпаратты – conferences.nis.edu.kz сайтынан қарауға болады.

Конференция басталуы: 2018 жылғы 25 қазан күні, сағат 9.00-де

Өтетін орны: Назарбаев Университеті, Астана қ., Қабанбай батыр даңғылы, 53

  Аккредитацияға арналған телефондар – 8 7172 23 57 00 (ішкі 1117),

8 702 840 78 82 (Альбина Елеуова), 8 701 513 93 27 (Мира Алипинова),

8 775 557 27 77 (Назерке Ғалым)