Жаңа бағыттағы жас мамандар

Білім үйрен, керексізден жирен де, білгеніңді қорлама ұсақ күйбеңге! -демекші, іздену мен зерттеу нәтижесіндегі алған білімін  басқалармен бөлісу жас мамандардың көрегенділігі. «Ертеңін ойлайтын, болашағына үмітпен қарайтын көшпелі ел ең алдымен ұрпақ тәрбиесіне, біліміне ерекше назар аударады», – деп Елбасымыз  Н.Ә. Назарбаев айтқандай, еліміздің елеулі азаматтарын тәрбиелеуде  талаптан тысқары қалмай, белсенділік танытып жатқан Оңтүстік Қазақстан облысы  Сарыағаш ауданы Ақжар елді мекені №28 Абылай  хан атындағы жалпы орта мектеп жас мамандары шығармашылық жұмысқа «Ана — өмір шуағы» тақырыбында ертеңгілік өткізілді.
Ертеңгіліктің  өткізудегі негізгі мақсат: мектеп алды дайындық тобының  жас мамандарына білім беру жүйесіндегі шығармашылықпен жұмыс жасау,  көкейкөзділігінің негізгі құралы білімдарлығын, эстетикалық талғамын, шығармашылық кәсіби шеберлігін және балаға тиімді білім берудің тәсілін меңгерту.

Заманауи талаптарға сай жабдықталған мектеп алды дайындық тобын  ауыз толтырып айтуға тұрарлық. Балаға қажетті білім  болғандықтан,  баланың да,  жас мамандардың да жұмыс жасауға деген құлшынысы  жоғарыламаса, төмендемесі анық. Себебі, балаға керек құрал жабдықтардың барлығы  бар.

Ертеңгілік барысында жас мамандар; актерлік қабілеттерімен, қолөнер шеберліктерімен, психологиялық ойындарымен,  жалпы шығармашылық жұмыстарымен көпшілік қауымды таң қалдыра білді. Ізгілікті ізеттеп, ел тізгінін ұстауға бағыт беру жолында талаптанған жас мамандардың еңбектері қуантарлық дүние.

Жас бүлдіршіндерді табиғи бейімділігіне қарай бағыттауда жас мамандардың кәсіби шеберлігі маңызды. Кәсіби шеберліктерін түрлі әдіс-тәсілдермен көрсетіп, білгенімен бөлісіп, білмегенін үйрену,  шығармашылық тәжірибелерін шыңдау – заман талабы. Еккен егіннің өнімді болуы оны күтіп баптауында болса, балаға сіңген еңбегіңіздің жемісті болуы берген тәрбиеңіз бен біліміңіздің тереңдігінде. Бала біздің бақытымыз, байлығымыз, болашағымыз! Қазақстанның болашағы! Баланың бабын тауып, тілін білетін білікті маман ғана  құрметке лайық!

Тохсанбаева Гульнара Бердиярқызы.
ОҚО, Сарағаш ауданы, Ақжар елді мекені
№28Абылай хан атындағы
жалпы орта мектебінің жас маманы