Білім айнасы газеті Республикалық газет Қоғамның қазіргі заман талабына сай жоғарғы қарқынмен дамуы, адам және оның денсаулығына ерекше көңіл бөлуді талап етеді.
Егемен еліміздің ертеңгі болашағы – бүгінгі бүлдіршіндер денсаулығын нығайту және қорғау ол еліміздің Даму стратегиясының негізгі міндеттерінің бірі болып табылады. Елбасы Н.Ә. Назарбаев «Қазіргі заманға сай жан-жақты жетілген, бойында ұлттық сана мен ұлттық психологиясы қалыптасқан, имандылық, мейірімділік әдебі, парасаты бар ұрпақ өсіру, тәрбиелеу, білім беру – бүгінгі таңда қоғамның міндеті деп атап көрсетті».
Елбасымыздың қолдауымен қазіргі таңда Маңғыстау облысы, Жаңаөзен қаласында көптеген балабақшалар ашылып, бүлдіршіндеріміз алаңсыз, жан-жақты білім алып тәрбиеленуде. Осы балабақшалардың ішінде 40 жылдық тарихы бар, №7 «Ер Төстік» балабақшасының орны ерекше .
«ЕрТөстік» санаторлық өкпе-ауруынан сауықтыру балабақшасы 1977 жылдан бері жас ұрпақты тәрбиелеуде үздіксіз жемісті еңбек етіп келе жатқан, қаламыздағы алдыңғы қатардағы балабақшаларының бірі. Балабақша ғимаратына 2013-2014 жылдары күрделі жөндеуден өткізіліп, қазіргі заманға сай құрал жабдықтармен жаңартылған. Біздің ұжым ынтымақтастықта бірлесе берекелі, жемісті еңбек етуде. 2007 жылдан бері білікті де, білімді кішіпейіл жаңашыл іскер басшымыз Тюребаева Айзада Сыражанқызы басқарып келеді. Балабақшада оқу-тәрбие жұмысы мектепке дейінгі тәрбие мен оқытудың мемлекеттік жалпыға міндетті стандарты және мектепке дейінгі тәрбие мен оқытудың үлгілік оқу бағдарламасы бойынша жүзеге асырылады. Сонымен бірге біздің балабақшамыз санаторлық өкпе ауруынан сауықтыру болғандықтан, сауықтыру-шынықтыру және емдеу шаралары ұйымдастырылып, «Денсаулық» саласына ерекше көңіл бөлініп, бала денсаулығын нығайту мақсатында ұйымдастырылған оқу-қызметтері мен іс-шараларды тәжірбиелі педагогтар жүргізеді. Қазіргі таңда жас ұрпақты заман талабына сай жан-жақты дамытуда, өз үлесін қосып, жемісті еңбек етіп жүрген білікті ұстаздарымыз бар. Олар үнемі өз іс тәжірбиелері мен бөлісіп, жас мамандарға ақыл кеңес, бағыт, бағдар беріп отырады.
Олар: Әдіскер Садыкова Г.Т.
Психолог: Сагпазова Г.К.
Би жетекшісі : Джапарова А. Қ.
Тәрбиешілер: Сугурова Ж. Р.
Имашова Г.О.
Нұргалива Г.Б.
Нұрманова Қ.Т.
Джумбаева Г.А.
Сүлейманова Қ.О.
Кабдешова Г.Ж.
Біздің балабақшамыздағы 20 педагогтың 80% жоғарғы білімді және жоғарғы санатты педагогтар болып табылады. Біздің «ЕрТөстік» балабақшасында уақытша ауысымдағы балалар болса да, ұстаздар бүлдіршіндерді Республикалық, облыстық, қалалық сайыстарға қатыстырып, жүлделі орындарға ие болып, бірнеше алғыс хат, мадақтау громаталарымен марапатталып жүр.
Міне, осылай көп жылдардан бері еңбек етіп келе жатқан, қазағым айтқандай «киелі қара шаңырақ» атына лайықты балабақшамызға 40 жыл толуы 2017 жылдың Ұлыстың ұлы күні 22-Наурыз мерекесі қарсаңына тұспа-тұс келіп, мерейлі мерекелік іс-шара ұйымдастырылды.
Бұл іс-шараға осы балабақшада бірнеше жылдар өз үлесін қосып, қызмет етіп, зейнеткерлікке шыққан қызметкерлер шақырылып құрмет көрсетілді. Және қалалық білім бөлімінің басшысы Т.Қ. Жұмалиев қатысып, балабақша ұжымын Ұлыстың ұлы күнімен, балабақшаның 40 жылдық мерей тойымен құттықтады .Соны мен бірге «Өлі жібімей, тірі байымас» дегендей бірнеше жыл еңбек етіп о дүниелік болған марқұмдарға құран бағышталды.
«Тәрбие тал бесіктен басталады»,-деп халық даналығы айтқандай, біз жас ұрпаққа осындай тәрбиелі, өнегелі істерімізбен тәрбие беретініміз сөзсіз.
Айтуарова Меруерт
Жаңаөзен қаласы, №7 «Ер Төстік»
балабақшасының тәрбиешісі
