Білім айнасы газеті Республикалық газет Сабақтың мақсаты:
а) Балалардың «жақсылық» құндылықтары туралы түсініктерін кеңейту. Жақсылықтың адам өміріндегі маңыздылығын түсіндіру.
ә) Жақсылық жасай білу іскерліктерін дамыту, бірлесіп еңбек етуге қызығушылығын арттыру, шығармашылық тұрғыдан сөйлеу тілдерін дамыту.
б) Өзара сыйластыққа, өзара көмекке, бірлікке, жаманнан жиреніп, жақсыдан үйренуге, достыққа тәрбиелеу.
Сабақтың түрі: Тренинг сабақ
Сабақтың әдісі: Тренингтер, топтастыру, «жан ана» сахналық көрініс, жағдаяттан шығу, мағынасын ашу
Пәнаралық байланыс: ана тілі, орыс тілі, музыка, өзін-өзі тану
Сабақтың көрнекілігі: тірек-сызбалар, интерактивті тақта, слайдтар
Сабақтың барысы:
1. Ұйымдастыру кезеңі
Психологиялық дайындық;
Қайырлы күн, балалар! Бүгін бізде сыныптан тыс сабақ. Жақсыдан үйрен: сендердің жүздерің қуанғаннан бал-бұл жанып тұр. Сендердің әсем күлкілерің сынып ішін нұрлы шуаққа толтыратыны анық. Сондықтан бүгінгі сабағымызды бір-бірімізге жымиып, күлімсіреп бастасақ қайтеді.
Кел, балалар күлейік!
Күлкіменен түлейік
Күлкі көңіл ашады!
Күліп өмір сүрейік!
- Сұрақ-жауап
Балалар, бүгін біз жақсылық туралы әңгімелесетін боламыз.
а) Адамның бойындағы қандай жақсы қасиеттерді білесіңдер?
ә) Жақсылық деген не?
б) «Жақсы бала» деп қандай баланы айтамыз?
в) Өздеріңнің жақсылық істеген істерің бар ма, естеріңе түсіріп көріңдер?
г) Жақсылықты риясыз жасау дегенді қалай түсінесіңдер?
Слайд
- Әдеби монтаж.
- Суретпен жұмыс
— Суреттен не көріп тұрмыз?
— Ана тілінен қандай тарауды оқып жатырмыз?
- Бес нәрсеге асық бол! Рөлдерде:
(Рақым, Қанағат, Терең ой, Талап, Еңбек)
- Ән: «Мен әдепті баламын»
Олжас, Мөлдір, Нұрбол
- Мағынасын аш:
1. Жақсы болсаң — жақын көп
2. Жақсы дос үшін жан пида.
3. Жақсы келді дегенше
Жарық келді десейші.
Жақсылықтың нышаны
Алып келді десейші.
- Көрініс: «Жан ана»
(Мөлдір, Эльвира, Аружан, Дана)
«Біреуге жақсылық етсең, ол жақсылығыңды міндет етпе» — деген Ы. Алтынсарин. Осы әңгімеден қандай ой қорытуға болады? Ауылдағылардың жасаған іс-әрекеттеріне көзқарастарың қандай? Адамға жақсылық жасағанда риясыз жасау керек. Өйткені ол жанашырлықпен, шын көңілмен, адал ниетпен жасалған іс, оған ақы сұраудың, жақсылығымды қайтар деудің қажеті жоқ. Жасаған жақсылық бәрібір алдыннан шығады.
9.«Жақсылық тамшылары»
-Балалар, адамның жақсы деп қандай қасиеттерін айттық (адамгершілік, мейірімділік, ұқыптылық т.б)
-Балалар, әрқайсымыздың жасаған жақсылықтарыңды қосқанда үлкен дарияға айналады. Яғни, әр адамның жаны жақсылыққа толы болса, жер бетінде бейбітшілік орнап, адамдар жақсы өмір сүреді.
Шығармашылық тапсырма:
- Тыныштық сәті
Әрқайсымыз оң қолымызды жүрегімізге ұстап көрейікші. Өз жүрегіміздің жылылығын сезініп, жүрек жылуымызды адамдарға, достарымызға, айналамызға жеткізу үшін іштей оларға жылы сөз тілейік.
11. Ситуациялық жағдаят.
1. Көшеде бір адамның жүгі ауыр болып жүре алмай келе жатқанын байқадың. Көмектесейін десең үйірме жұмысына асығып барасың, не істейсің?
2. Жұмбақ кейіпкермен ой бөлісу. Мен үйдегі жалғыз қызбын, еркемін. Ата-анам менің айтқанымды істеп үнемі дегенімді бұлжытпай орындайтын. Енді міне мен 3-сыныпта оқимын. Ата-анама күнде: «қымбат ұялы телефон 
алып беріңдер» — деп өтініш етудемін. Бірақ маған анам: «әлі кішкентайсың, өскен соң аласың» — деп рұқсат етпей қойды. Қанша айтсам да көнер емес. Мен ұялы телефоным болғанын қатты қалаймын. Маған қандай ақыл айтасыңдар?
(балалардың жауабын тыңдау)
а) Өлеңді жалғастыр!
- «Алтын ақыл»
Балалар, өмірімізге қажетті мына ақыл-кеңестерге назар салайық:
1. Бір нәрсені істей білсең, оны жолдасыңа үйрет, егер досың қиналса көмектес.
2. Досың жамандық істесе, оны тоқтат, жақсы дос болу – өте жақсы қасиет.
3. Тек шындықты айтуды үйрен.
4. Сыныптастарыңмен тату бол, болымсыз нәрсеге таласпа.
5. Ойын ережелерін сақта, арамдық жолмен ұтып, алға шығуға ұмтылма.
6. Тек қана адал күресе біл. Онсыз жеңіс те қызық емес.
7. Басқалар жеңіліп жатса табалама.
Жақсылық жасау – адам бойындағы асыл қасиеттердің бірі. Жақсы адам қол ұшын беруге, жәрдем (беруге) етуге, жанашырлық танытуға, көмек көрсетуге, қолдау жасауға әрдайым дайын тұрады.
Жақсылық жасау – биік адамгершіліктің белгісі. «Жақсылық» сөзіне талдау:
Ж- жылы жүректі
А-ақылды, ар намысты
Қ-қамқор, қайырымды
С- сабырлы, сыпайы
Ы-ыстық қайратты
Л-лайықты елімнің
Ы-ынсапты, ымырашыл
Қ-қасиеттер бойымызда көп болсын
Сабақты қорытындылау:
1. Айналадағы адамдарға қандай жақсы тілектер айтып жүресіңдер?
2. Өз бойыңдағы жақсы қасиеттеріңді санамалап айт.
3. Қандай жағымсыз қылықтардан аулақ болу керек?
Ән. Прекрасное далёко
Балалар, мына үйге назар салайық . әр бала өз бойындағы жақсы қасиеттерін айтып, үйді гүлдендірейік. Жаманнан жиреніп, жақсыдан үйренейік.
Корпебаева Шынар Каликаримовна,
№29 жалпы орта білім беретін мектеп,
қазақ тілі мен әдебиеті пәнінің мұғалімі,
Шығыс Қазақстан облысы,
Семей қаласы
