Білім айнасы газеті Республикалық газет Күз мезгілі туысымен –ақ колледжімізде алтын күз мерекесіне арналған тәрбиелік мәні зор іс-шаралар көптеп өткізілуде. Сондай көңілді мерекелік іс-шара колледж жатақанасында өтті. Мақсаты — жатақана студенттерінің бос уақытын тиімді ұйымдастыра білу және талаптылардың өнерлерін ұштау.
Ең алдымен кешті директордың тәрбие ісі жөніндегі орынбасары Искаков М.А ашып қатысушыларға сәттілік тілей отырып мұндай іс-шаралар өз жалғасын табатынына сенім білдірді. Кейін жатақананың әр қабаттарының студенттері өзара өнер додасына сынға түсті.
Бұл кеш өзге шаралардан ерекше болды. Себебі, аталмыш шараға қаламыздағы әсіресе жастар ортасына танымал New York Coffee кафесі өз тарапынан демеушілік жасады.
Кеш барысында әуелете әсем ән де шырқалып, тартымды би де биленді. Сонымен қатар алтын күздің әрін келтірер сән көйлектері де көрерменге көрсетілді. Көрікті көйлектер ұшқыр қиялдан туындаған екені бірден байқалды.
Кейін әр қабат студенттері алтын күзге арнайы салынған қабырға газеттерін қорғады. Кеш соңында кафенің арт директоры Любовь Сергеевна бірқатар жеңімпаздарға арнайы сертификаттар табысталды. Айта кетерлігі ұсынылған сертификаттар арқылы тегін тамақтану мүмкіндігі болды.
Мерекені тамашалауға келген көрермендер барлық қатысушыларға үлкен қолдау білдіріп , ерекше шабыт сыйлады. Кешті ұйымдастырушылар өз мақсатына толықтай жетті деп топшылаймын.
Міне тағы да бір іс-шара өз мәресіне жетіп барлық қатысушыларға мерекелік тамаша көңіл күй сыйлаған ерекше күзгі мереке болды.
Тункулова Тойжан,
Ы.Алтынсарин атындағы РӘГК-нің «Жас қаламгер» үйірмесінің мүшесі
