Білім айнасы газеті Республикалық газет 2016 жылғы 9 желтоқсанда сағат 12.00 Астана қаласының №2 мектеп-гимназиясында (Сейфуллин көшесі, 19) Қазақстан Республикасы Тәуелсіздігінің 25 жылдығына арналған «Тәуелсіздіктің жылнамасы» зияткерлік-танымдық турнирі өтеді.
Жарысқа қатысушылар: №1, 2, 3, 5, 16, 24, 31 мектептердің 8-11 сынып оқушылары және ұстаздары.
Танымдық сайысты Астана қаласының Білім басқармасы ұйымдастырып отыр. Басты мақсат – балалардың бойына отансүйгіштікті және азаматтықты ұялату, Отанға және оның тарихына деген құрметті тәрбиелеу.
Оқушылар турнир барысында Қазақстан тарихы және тәуелсіздік жетістіктері бойынша білімдерін бәске тігіп, қазақ мемлекеттілігінің жылнамасына үңіледі. Еліміздің басты нышандары және тарихи тұлғалар бойынша сауалдар қарастырылған.
Турнирдің қорытындысы бойынша барлық қатысушыларға грамоталар, дипломдар және сертификаттар табысталады.
