Астаналық оқушылар Мәскеуде 4-9 қыркүйек аралығында өткен Мегаполис Олимпиадасында жақсы нәтижеге көрсетті. Шығармашылық бәйге 20-дан астам мемлекеттің оқушыларын тоғыстырды. Жас дарындар жаратылыстану бағытындағы пәндер бойынша өзара бақ сынап, білімдерін дәлелдеп бақты. Мектеп оқушылары химия, физика, математика және информатика пәндері бойынша белгіленген тапсырмаларды орындады.
Олимпиада нәтижесі бойынша Бидайбек Санжар (информатика, ҚТЛ) алтын медальді, Кемел Нұрдәулет (физика, «НұрОрда» лицейі), Хомар Шыңғыс (химия, «НұрОрда» лицейі), Кұдайбергенов Әлихан (математика, ҚТЛ), Омаров Рауан ( информатика, ҚТЛ) күміс медальді, Тәжібеков Төрехан ( математика, ҚТЛ) қола медальді жеңіп алды.