Гимнастика сабағы 5-сынып

Сабақтың мақсаты: а) Әр түрлі биіктіктегі арыс жасалатын жаттығуларды жетілдіру.
ә) Акробатикалық және тепе-теңдік жаттығуларын дамыта, үйрету.
Сабақтың тәрбиелік мәні:
— Оқушыларды салауатты өмір салтына тәрбиелеу, халық педагогикасын негізге ала отырып гимнастикаға, қозғалмалы, спорт ойындарына қызығушылықтарын арттыру.
Сабаққа керекті құралдар-жабдықтар: Әр түрлі биіктіктегі арыс, гимнастикалық төсеніш «маттар», гимнастикалық орындық, бөрене, гимнастикалық қабырға.
Сабақтың әдісі: Жаппай, топпен.
Өткізілетін орын: Спорт зал. Уақыт: 45 мин.
№ Сабақтың мазмұны      Уақыт мөлшері         Әдістемелік нұсқаулар
І Дайындық бөлім 15 мин
1 Сыныпты бір сапқа тұрғызу.
Рапорт қабылдау, сәлемдесу.
Сабақтың тақырыбымен, мақсатымен таныстыру.
Сынып «Түзел!», «Тік тұр!», «Оңға!», «Солға!», «Арқаға бұрылу!» жаттығуларын орындау.
Сынып оң иықпен оңға адымда. Залды айналып жүру, қол жоғарыда аяқтың ұшымен жүру, қол желкеде өкшемен жүру.
Жаймен жүру.
Тіркеме адыммен оң бүйірмен, сол бүйірмен алға қарап жүгіру, жай жүру. 2 мин
Арнайы киімдеріне сабаққа даярлығына және берілген бұйрықтың орындалуына назар аудару. Ара қашықтықты сақтау.
Қауіпсіздік ережесін ескертіп өту.
Дұрыс және анық орындау.
Ара қашықтықты сақтай отыру.
Қолдар белде, қатарды бұзбай жүру.
2 Жүру бағытында орындалатын жаттығулар
Алға жүру:
1.Екі қолды жоғары көтеріп, аяқтың ұшымен жүру
2.Қол белде өкшемен жүру.
3.Қол желкеде жартылай отыр жүру.
4.Қол тізеде, отырып жүру, секіру. 2 мин
Қолды бүкпеу, денені тік ұстау.
Кеудені тік ұстау.
Кеуде тік, басты көтеріп ұстау.
Жоғары секіру.
3 Жүгіру бағытында орындалатын жаттығулары:
1.Жеңіл жүгіріс
2.Тізені алға көтеріп жүгіру.
3.Қолды артқа қойып, аяқты артқа сермей жүгіру.
4.Аяқтың басын алға сілтей жүгіру.
5.Оң қапталмен қолды алға айналдыру.
6.Сол қапталмен қолды артқа айналдыру. 3 мин Ара-қашықтық сақтау.
Тізені алақанға тигізу.
Аяқты алақанға жеткізу.
Барынша жоғары секіріп, қолды толық айналдыру.
4 Тыныс алу жаттығулары, қозғалыста 2 қатарға тұрғызу.
5 Жалпы дамыту жаттығулары 8 мин
1 БҚ қол ұстасып, бір-біріне қарама-қарсы тұру. Бір қолды екі жаны арқылы жоғары көтеру, сол аяқты артта ұстау.
2.БҚ
3.Екінші аяқпенен де осылай жасау.
4 — 6 рет Барлық оқушылардың бірдей жасауын қадағалау.
2 БҚ қолдарын төмен ұстап, бір-біріне арқаларын беріп тұрады.
1.Сол аяғын ұшымен жанға қояды, оң қолды жоғары көтеріп, солға еңкейеді.
2.БҚ Екінші жаққа да осылай жасау. 6-8 рет Аяқты бүкпей түзу жасауын қадағалау.
3 БҚ Бір-бірінің иықтарынан ұстап, алға еңкейіп, қарама-қарсы тұрады. Аяқтардың арасы алшақ ұсталады.
1.Алға қарай серіппелі түрде еңкею
2.Солға бұрылу. Екінші жаққа бұрылыс жасай, осылай істеу. 6-8 рет Аяқты бүкпеу керек.
4 БҚ қолдарын жоғары көтеріп ұстап, бір-біріне арқаларын беріп тұрады.
1.Сол аяқпен ілгері аттау, артқа шалқаю.
2.БҚ екінші аяқпен де осылай жасау.
8-10 рет
Қолдарын жібермеуін қадағалау.
5 БҚ Қолдарын шынтақтан іліп алып, бір-біріне арқаларын беріп тұру.
1.Жартылай отыру.
2.БҚ келу.
10-12 рет
Арқаларың түзу болу керек.
6 БҚ серіктерінің иығына қолды салып, бір-біріне қарама-қарсы тұрады.
1.Сол аяқты алға-оңға қарай сілтеу.
2.БҚ келу. Екінші аяқпенда осылай жасау. 10-12 рет
Аяқтарын түзу көтеруін қадағалау.
7 БҚ табандарын тіреп, аяқтарын тізеден бүгіп, қолдарынан ұстасып, гимнастикалық төсеніште қарама-қарсы отыру.
1.Сол аяқты жоғары көтеріп, созып ұстайды.
2.БҚ
3-4 Оң аяқпен де осылай жасау. 6-8 рет Аяқтарын түзу ұстауын қадағалау.
8 БҚ табандарын тіреп аяқтарын алшақ қойып бір-біріне қарама-қарсы отыру, оң қолдарымен ұстасады.
1.Біреуі алға еңкейсе, екіншісі шалқайды.
2.БҚ
3.Екінші жаққа еңкейіп шалқаю.
4.Бұл да сондай, бірақ сол қолмен ұстайды. 6-8 рет Аяқтарын түзу ұстауын қадағалау.
9 БҚ арқаларын бір-біріне беріп, аяқтарын тіке жазып отырады. Қолдарын көтеріп басынан ұстайды.
1.«А» алға еңкейеді. «Б» аяқтарын бүге, табанмен еденге тіреле «А»- ның иығына жатады.
2.БҚ
3.Қайталау. 6-8 рет Бір жаққа құламай қолдарын басынан ұстауын қадағалау.
ІІ Негізгі бөлім 25 мин
6 Оқушыларды 1 сапқа тұрғызу.
1.Гимнастикалық скамейкадан секіру;
2.Гимнастикалық төсеніште алға домалау.
3.Гимнастикалық төсеніште артқа домалау.
4.Тепе-теңдік сақтап жүру.
5.Гимнастикалық қабырғада мініп-түсу жаттығуларын жасату.
6.Демді қалыпқа келтіру жаттығуларын жасатып 3 топқа бөлу.
7 мин Оқушылардың тұрып қалмай, дұрыс жасауын қадағалау
І топ
Әртүрлі биіктіктегі арыста
1.Тартыла секіріп, аяқты ашып міну.
2.Шалқаю
3.Қолын арыстан ұстап жабдықтың үстінде отыру.
4.Қарлығаш жасау.
5.Бұрыш жасап
6.90о-қа айналып секіріп түсу, жаттығуларын жетілдіру.
18 мин. Жаттығуларды қауіпсіздік ережесін сақтап, сыныптасының, мұғалімнің көмегімен жасауын қадағалау.
ІІ топ
Акробатикалық жаттығулар
1.Алға домалау
2.Көпір жасау.
3.Артқа домалау
4.Жауырынға тұру.
5.Аяқты басынан асыра жерге тигізіп, алақанын жерге қою.
6. Жарты шпагатқа келіп отыру жаттығуларын жетілдіру. Жаттығулардың дұрыс орындалуын қадағалау. Сыныптасының көмегімен жасау.
ІІІ топ
Тепе-теңдік жаттығуларын
1.Қарлығаш жасау.
2. Қолды жайып, аяқтың ұшымен жүру.
3.Жартылай отырып, өкшені көтеріп бұрылу.
4.Тізені жоғары көтере жүру, жаттығуларын дамыта үйрету.
Топтарды жаттығуларын бірнеше рет жасағаннан кейін орындарын алмастыру. Сыныптасының көмегімен жасау.
ІІІ. Қорытынды бөлім 5 мин
7 Оқушыларды сапқа тұрғызып. Сабақты қорытындылау. Мадақтау. Бағалау. Қателік жіберген оқушыларға ескертіп түзеу. Үйге тапсырма беру.

Ильясов Мадияр Магасович,
Ақмола облысы Целиногра ауданы
Қосшы ауылы
№2 Қосшы орта мектебі
дене шынықтыру пәні мұғалімі