Б б дыбысы және әрпі

Бөлім: Сауат ашу және жазу.

Білім беру саласы: «Қатынас»

Кіріктірілген сабақ: Қарапайым математикалық түсінікті қалыптастыру.

«Таным» білім беру саласы.

Мақсаты: Өткен тақырып, «Мм» дыбысы және әрпін қайталау барысында білімдерін бекіту. Жаңа «Б б» дыбысы және әрпімен таныстыру; «Б» дыбысы кездесетін сөздерді ататып, сөйлемдер құрату арқылы сөздік қорларын толықтыру, дыбыстық талдау жасатып, буынға бөлуге дағдыландыру. Ұқыпты жазуға, дұрыс отыруға тәрбиелеу.

Көрнекіліктер: әріп таңбалары жазылған саңырауқұлақтар, хат, текшелер, суреттер, жұмыс дәптері, интерактивті тақта, смайликтер. Әдіс — тәсіл: сұрақ — жауап, ассоциация, «феш — боун» әдісі.

Билингвальды компоненттер: дыбыс — звук, әріп — буква, дауысты — гласные, дауыссыз — согласные, буын — слог, сөйлем — предложение.

Мотивациялық-қозғаушы — Сәлеметсіңдер ме, балалар?

Шеңберге тұрып, жылулық сөздерін айтайық.

Әріптер елінің ханшайымынан ерекше хат келеді

Ұйымдастырушылық-ізденіс

— Балалар, бір аптада неше күн бар?

— Бүгін нешінші күн? Ертең ше?

— Қазір қандай ай? Бүгін нешесі?

— Дыбыс дегеніміз не? Әріп дегеніміз не?

— Дыбыс нешеге бөлінеді? Қандай болып?

— Жақсы. Қараңдаршы, балалар, біз қайда келдік?

— Бірінші топ «уық» сөзінде бірінші қандай дыбыс естілсе, сол дыбыстың әріп таңбасы жазылған саңырауқұлақты алсын; екінші топ: «ойна» сөзінің бірінші буыны қандай? Сол буын жазылған саңырауқұлақты алыңдар; үшінші топ: өткен сабақта қандай дыбыспен таныстық, сол дыбыстың таңбасы жазылған саңырауқұлақты алсын.

(Тәрбиеші әр топтың жұмысын қарап, сұрақ тар қояды)

— Бұл қандай дыбыс?

— Мынау не?

— Сендер қандай әріпті алдыңдар?

— Жақсы сендердің жауаптарың үшін әр топқа жұлдызша беремін.

(Әр топқа тақтаға жұлдызша қойылады)

— Балалар, әріптер елінің ханшайымы сендерге ерекше хат тастап кетіпті. Оқып берейін бе?

(Хатта ханшайым оларға тапсырма бергенін, тапсырмаларды орындаса алғыс жариялайтыны айтылады. Тәрбиеші хатты оқып, суреттер таратады)

— Сендерде ненің суреттері бар?

— Бұл суреттердің қандай құпиясы бар? Жаңа сабақ.

— Ендеше, біз бүгін «Бб» дыбысы және әрпімен танысамыз. Тек бүгінгі дыбыс туралы өздерің түсіндіресіңдер.

(Тәрбиеші жаңа сабақты өздері ашуларына ұсыныс жасайды)

(Тақтада әр топты бағалайды)

— Сендердің ақылдарыңа тәнті болып тұрмын. Ендеше, мына экранға қарап, «Б» дыбысының әріп таңбасымен, «Б» дыбысына кездесетін сөздермен танысыңдар. Сөз ұстарту.

— Сонымен, сендер айтпаған қандай сөздер естідіңдер?

— Ал, «Б» әрпін неге ұқсаттыңдар?

Ахетова Анаргүл Сабалқызы

Тоғыз орта мектебі

Мектепалды даярлық сынып тәрбиешісі

Жоғары санатты маман

Ақтөбе облысы,

Шалқар қаласы