Білім қазынасын іздейміз

Мақсаты :  1-10ға  дейін  тура  және  кері  санау, жұмбақ  жасыру, мақал, логикалық  есептер  бере  отырып  есте  сақтау  қабілеттерін  арттыру,ой-өрісін  дамыту.Геометриялық  пішіндерді  ажыратуды, атауды,  түрлі  бейнелерді  құрастыру  дағдыларын , кеңістікті ,уақытты  бағдарлай  білуге   үйрету. Көрнекіліктер: Сандар, пішіндер, сиқырлы  гүл, қолдан  жасаған  ұялы  телефон Кітаптар, шахматтар  Әдіс-тәсілдер: Сұрақ-жауап, логикалық  есеп  (сандарға  байланысты).
Жүру  барысы:
 Шаттық  шеңбер.
Қол  ұстасып  бәріміз,
Үлкен  шеңбер  құрамыз,
Ақ  тілекті  жолдайық,
Әлемде  нұр  тыныштық,
Әрбір  үйде  күн  ыстық ,
Қайырлы  таң  достарым!
Ыстық  күндей  тым  ыстық.
(Балалар  бір-бірінің  қолын  ұстап, алақан  арқылы  жылу  береді)
Тәрбиеші:
—Тамаша  тілектер  ,күннің  аязы  ештеңе  етпес  , ең  бастысы  жүректегі  жылуымыз  азаймасын. Ендеше  келген  қонақтармен  амандасайық.
Үш  тілде  амандасу.
   Міне  залда  тыныштық,
Естілмейді  дыбыс  түк.
Мұны  бізде  қостаймыз.
Кешіккенді  тоспаймыз,
Сабағымызды  бастаймыз.
-Балалар  біздер  бүгін  математика  әлемінің  кейбір  сырларын  ашып, үңілеміз.
Тосын  сый: Түлкі:  Сәлематсыңдарма  балалар!
Аң  патшасы  арыстан  өз  қазынасын  білімді, ақылды, көпшіл  бола  білген  аңдарға  бермекші.Бірақ  үлкен  шарт  қойыпты. Кімде  кім  берілген  тапсырманы  дұрыс  орындаса  ғана  қазына  иесі  бола  алады.
-Не  істесем  екен, мені  ешкім  жақтырмайды, үнемі  алдап , қулық  жасаймын.
Өзімді  бір  жақсы  жағынан  көрсеткім  келеді. Көмектесіңдерші.
Тәрбиеші: Балалар  не  істейміз  көмектесемізбе?
Балалар: -Әрине  көмектесеміз. Ендеше  жолға  шығайық (көңілді  әуенмен  орманға  жолға  шығады).
Түлкі:-Ой-ой  мен  мысығым  Базилионы  ұмытып  кетіппін  ғой, онсыз  жолым  болмас. Енді  оны  қайдан  табамын,  уақытымда  аз. Мен  оған  телефон  шалайын (әдемі  сөмкесін  ашып,  телефонын  іздейді, тапқан  кезде  1ден-5ке  дейінгі  саны  жоқ)Әттеген-ай  қырсық  шалғанда  осылай  болады, қазынадан  құр  қалдым-ау (балалардан  көмек  сұрайды)
Балалар: -Біздер  көмектесейік. Түлкі  ханым  асықпаңыз, ғылым  мен  техниканың  дамығаны  соншалық, аңдарға  жетіп  жатса, сандарды  ретімен  қою  түк  емес.
1-тапсырма: «Жоғалған  сандар»
Мақсаты: Санай  отырып  жоқ  садарды  ретімен  қою.
( Түлкі  досы  Базилиоға  телефон  соғады).
Жауап:Абонент  байланыс  аясынан  тыс  жерде. Осы  кезде  сиқырлы  гүл  жанып-сөнеді)
Бұл  балалардың  дұрыс  жауап  бергенін  білдіреді.
Түлкі:- -Бұл  қайда  жүр  екен, мен  сияқты  қазына  іздеп  кетті  ме  екен?
-Жарайды  жалғыз  барсам  өзіме  көп  қалады.

(Көңілді  әуенмен  алдарынан  Қызыл  телпек  шығады).
Тәрбиеші:    Сәлематсыңба  қызыл  телпек, біз  түлкіге  көмектеспекші  едік.
Жолдар  тарам-тарам  ,қай  жолды  таңдасақ  екен?
Қызыл  телпек :
-Ешнәрсе  оңайлықпен  келмейді  .
Сіздер  алдымен  маған  көмектесіңдер ,сосын  мен  сендерге  көмектесемін.
Тәрбиеші:
-Бізден  қандай  көмек  керек?
Қызыл  телпек:
-Менің  әжем  үлкен  кісі , үнемі  жанында  бола  алмаймын , әңгіме  айқанды  қалайды.
Сендер  маған  сандарға  байдланысты  мақал-мәтелдер  айтып , жұмбақтар  шешіп  беріңдерші.  Мен  кейін  әжеме  айтып  беремін.
2-тапсырма: Мақал-мәтелдер.
1 .Бір  тал  кессең –он  тал  ек.
2.Ер  кезегі  үшке  дейін.
3.Жеті рет өлшеп  -бір  рет  кес.
Жұмбақтар:
1.Бір  кезекті  жануар ,
Үстінде  екі  тауы  бар
2.Оң  жағында  бес  сарбаз,
Болады  барлығы  неше  сарбаз?
(Балалар  тапсырманы  кезектесіп  орындайды)
Сиқырлы  гүл  жанып-сөнеді.
Қызыл  телпек: -Рахмет  сендерге. Мына  ұзын  жолмен  жүріп  орманның  оң  жағынан  үй  көресіңдер, сол  жағында  биік  талдар  мен  шыршалар  бар. Мүмкін  сол  жерден  қазынаны  табарсыңдар.
(Ұзын  жолмен  жүріп  айтылған  жерге  жету.)
Тәрбиеші  :
-Балалар  біз  ертеңгісін  шықтық ,қай  мезгіл  болды  деп  ойлайсыңдар?
Балалар: Күн  төбемізде, аяздың  күші  азайғандай  яғни  түс  мезгілі  болды.
Едеше  біз  осы  жерге  демалып  алайық.
(осы  кезде  шырша  қозғалып)
-Бұл  не  шу?  Мені  неге  мазалайсыңдар?
Тәрбиеші: — Ашуланбаңыз  шырша  сізден  көмек  сұрамақшымыз.
Сіз  қысы-жазы  ормандасыз  аң  патшасы  арыстанның  қазынасы  қайда  екенін  білетін  шығарсыз. Жол  көрсетіп  жібересізбе?
Шырша:-Кері  қайтыңдар ,әрі  қарай  жол  жоқ.
Түлкі:-Шырша  өтінемін  көмектесіңізші.
Шыршы: -Жарайды  көмектесейін , ал  сендер  маған  көмектесе  аларма  екенсіңдер.?
а) 3-тапсырма. Логикалық  есептер.
Екі  қоянның  неше  құлағы  бар?
Жауап :4құлағы, 2құйрығы  бар.
б) Табақта  5  алма болды, 1-ін  Камила  алды, 1-ін  Шакира  алды.
Табақта  қанша  алма  қалды.
Жауап: 3-алма.
Ормандағы  үлкен  шыршада  2алмұрт, кіші  шыршада  3  алмұрт.
Барлығы  қанша  алмұрт?
Жауап:  Шыршада  алмұрт  өспейді.
Әжем  дүкеннен  3-бұрышты  4  доп  әкелді , 2-ін  ініме  бердім. Менде  неше  доп  қалды?
Жауап: Үшбұрышты  доп  болмайды.
Шырша:  Көп  рахмет. Сендер  көп  біледі  екенсіңдер, көңілімнен  шықтыңдар.
Мына  көлшіктен  секіріп  өтсеңдер  тез  жетесіңдер.  Алдарыңнан  биік  тал  көрінеді.
Арыстанның  қазынасы  сол  маңда  болуы  мүмкін.
Сиқырлы  гүл  жанып-сөнеді.
4- тапсырма.
Көлшіктен  қос  аяқтап секіріп  ,  аяқты  суға  тигізбеу.
Кенет  алдарынан  Мақта  қыз  шығады.
Тәрбиеші: -Мақта  қыз  сен  мұнда  қайдан  жүрсің?
Мақта  қыз: Мен  мысығымды  ренжітіп  алдым, соны  іздеп  жүрмін.
Түлкі: Ой  сенде  мысығыңды  жоғалтып  алдыңба ?  Менде  Базилио  досымнан  адасып  қалдым. Жарайды  арыстанның  қазынасын  тапсам  болды.  Достарыммен  бөлісемін.
Мақта  қыз:
Мен  ешкімнің  ренжігенін  қаламаймын , сондықтан сендерге  көмектесемін, мысығым  қайтіп  келер  деп  ойлаймын. Бірақ  жолды  таппас  бұрын  мына  тапсырманы  орындауымыз  керек.
5-тапсырма
Сөзжұмбақ  шешу: «Математика»  сөзін  шығару  үшін  жабайы , үй  жануарлары, құстардың  бас  әріптерін    пайдалану.
Маймыл
Аю
Түлкі
Есек
Мысық
Арыстан
Тауық
Ит
Кірпі
Ақ  аю.
Толық  сөз  шыққанда  сиқырлы  гүл  жанып-сөнеді.
Үлкен  тал  түбінен  сандықты  тауып  алады,  бірақ  есігі  ашылмайды..
Түлкі:
Не  істейміз ,есік  ашылмады.  Ой-ой  қазынаға  қол  жеткізе  алмайтын  болдық-ау.
Тәрбиеші:
Асықпа  түлкі  бұл  сандықты  ау  үшін  тағы  бір  тапсырма  орындаймыз.
Дид/ойын:  «Өз  кілтін  тап» Мақсаты:  Геометриялық  пішіні  сәйкес  келетін  кілтті  түсіне  көлеміне  қарай орналастыру.
Бірақ  сандық  ашылмады.
Тәрбиеші:  Кәне  мұның  бір  сыры  бар  шығар.  Көзімізді    жұмып  1-ден-10-дейін  3-тілде  санайық  содан  соң  қазақ  тілінде  кері  санайық.
Сиқырлы  әуенмен  сандық  ашылады.  Сандық  ішінен  кітап,  шахмат  ең  түбінен  ақша  шығады.
Сиқырлы  гүл  жанып-сөнеді.
Түлкі:  Арыстанның  бар  байлығы  осы  ма? Мұның  кімге  қажеті  бар?
Тәрбиеші  :Түлкі   байлық  ақшамен  өлшенбейді.
Мына  кітапты  оқысаң  көп  нәрсені  білесің.
Білімді  адам-ең  бай  адам. Күш  білімде  ал  білім  кітапта.
Оқу  қызметін  қорытындылау.
Балаларды  мадақтау ,сандықтан  шыққан  шахмат  ,кітаптарды  үлестіріп  беру

Дюсембаева Айнаш Аманқызы,

Атырау қаласы,
№32 «Мөлдір» балабақшасының тәрбиешісі