Білім айнасы газеті Республикалық газет 7-ші ақпан күні Астана қаласы маңындағы Целиноград ауданына қарасты Талапкер ауылына іс-сапармен барған болатынмын. Басты мақсат «Әсем-Ай» балабақшасының тәрбиешілеріне «Білім айнасы» газеті мен сайтының жұмысын таныстыру. Таныстырылым ойдағыдай өткен болу керек «Білім айнасы» ұжымының ойластырған «Педагогтардың шығармашылық дағдыларын дамыту» тақырыбында тренингке қатысушылар табылды. Тәрбиешілер мақала жазудың қыр-сырымен танысып, сертификат табысталды.
Кездесу соңында балабақша әдіскері Айнагүл Өсербайқызы балабақша тынысымен таныстырды. Балабақшада 16-шы ақпан күні өтетін «Әжем айтқан ертегі» атты сайыс жайында әңгіме болды. Бұл сайыстың басты мақсаты ата-бабамыздан мұра болып келе жатқан салт-дәстүрлерімізді дәріптеу болғандықтан, сайысқа ауыл әжелері қатысады екен.
Әлібек ҚУАНЫШ
