«Бейіміне қарай мамандық таңдау» тренинг сабақ

Сабақтың мақсаты мен тапсырмалары: Жеке тұлғаның кәсіптік мамандықтарға деген ынта –ықыластарын анықтау. Кәсіптік бағдар беру. Оқушыларды қоғамдағы еңбектің, мамандықтардың әр түрлерімен таныстыра отырып, олардың өсу деңгейі және қоғамдағы қажеттілік орны мен сұранысы жайлы білімді меңгерту, мамандық әлемінен ақпарат алу.

Тренинг құрылымы Сабақ 10-11 сынып оқушыларына арналған. Тренинг мамандықтың белгілі бір түріне бағыт-бағдар беру, ойындар, жаттығулар, теориялық бөлімдер, диагностикалық әдістемелерден тұрады.
Сабақтың ұзақтығы 40 минут жаттығулардың күрделігі мен басқа да жұмыс жағдайларына байланысты . Өткізу шарты : Топтағы балалар саны 10 адам. Оқушыларды топтастырып отырғызу.
Сабақ барысы:
І . Ұйымдастыру кезеңі: Оқушыларға бір-біріне және топтасу арқылы жақсы тілектер айтқыза отырып, көңіл күйлерін ретке келтіру.

Пікірлесу кезеңі мен тренинг жаттығуларының тәртібі мен қағидалары ескертіліп, шарты мен ережесі түсіндіріледі.

1.  «Сәлемдесу –танысу» жаттығу. Джест арқылы амандасу 

Мақсаты: Оқушылардың есте сақтау қабілетін дамыту.
Нұсқау: Қатысушылардың шеңбер бойымен тұрады. Өз есімдерін атап, амандасудың ым-ишарасын жасайды. Келесі кезектегі қатысушы өзінен тұрған адамның есімі мен ым-ишарасын айтып, өз есімі мен ым-ишарасын көрсетеді. Ойын осылай жалғаса береді.

1. «Мамандықты тап» (ойын)
   Нұсқау: Тренингке қатысушыларды үш топқа бөлеміз. Әр топқа карточкада жазылған  мамандықтар беріледі. Әр топ сол берілген мамандықтарды басқа топқа ыммен бейнелеп көрсетуге тырысады. Қалған топтар сол мамандық қай мамандық екенін табады.

Хирург, Фабрика басшысы, Хатшы, Бугалтер, Слесарь, Инжинер,
Кітапханашы, Банк қызметкері, Сатушы, Мұғалім, Мүсінші.

1. «Кім көбірек мамандықты атайды?» жаттығуы.
   Нұсқау: Барлық қатысушылар шеңбер құрып тұрады. Олар бір — біріне доп лақтыру арқылы мамандық түрлерін айтады. Кім де кім көп мамандық атаса сол жеңіске жетеді. Ескерту: Бір ойыншыға қатарынан доп лақтыруға болмайды және қолда допты үш секундтан артық ұстамау керек.

4. Мамандық  таңдаудың  маңыздылығы.
   Мамандық  таңдау жас өспірім  кезеңдегі  ең маңызды  шешімдердің бірі. Әр адам ерте ме, кеш пе  өз өмірінде «Мен қандай  мамандық  иесі  боламын?» деген  сұрақтарға  жауап іздейді. Үлкен  өмірге  қадам  басқан  жас  ұланның алдында  мыңдаған  мамандықтан  өзіне  лайықты  біреуін  таңдау  міндеті  тұрады. Кейбір  жастар мамандық  таңдау ережесін  білмегендіктен  өзі  қызықпайтын  мамандықты  таңдайды. Осыдан  өз  мамандығына  қанағаттанбаушылық,  реніш  сезімдері  пайда  болып, тіпті  алдарына жоспарда құрғысы  келмейді.  Сондықтан , адам  өзінің жеке  қасиетін, өзін-өзі  тануын және жетістікке  жетудің бір  жолы  өзіңе  сұрақ  қойып  оған  жауап  іздеу  болып  табылады.Мысалы,

1. Сабақ оқығанды  ұнатамын ба?
2. Өз ісіме талдау жасай аламын ба?
3. Білгім  келген  нәрсені  іздестіремін  бе?
4. Өзімді-өзім  тани аламын  ба?
5. Жетістікке  жету  шарттарын  іздестіремін  бе?
6. Кемшіліктерім  қандай?
   Ең  бастысы , жетістікке жетуді  үйренуге болатынын  біліп, алғашқы  адымды  аттай алу  керек. Жетістікке  жетуді  үйренген  адам одан  кейін жетістіктен қол үзбейтін  болады.Ол үшін бізге сенім күші қажет. Адам өзіне-өзі сенгенде ғана өмірге үлкен қадам жасай алады.

5. «Сенімділік»жаттығуы.
   Шарты: Қатысушыларға ақ  парақ  таратылып,  ортасынан екіге бөлу тапсырылады. Бір бөлігіне жақсы қасиеттерін,  екінші бөлігіне  жағымсыз қасиеттерін  жазады.  «Ал балалар бізге осының қай бөлігі өзімізге сенімді болу үшін,қажетті мамандықты таңдай алуымызға қайсысы өте қажет. Сол жағын жыртып алып өзіңе алып қал,екінші бөлікті (жағымсыз қасиеттерді) мыжып қоқыс жәшігіне саламыз»

Теориялық бөлім
Мамандық таңдаудағы қиындықтар мен қателіктер 

• Бірден жоғары квалификациялы мамандыққа бағыт беру.
• Достарынан қалмау үшін мамандық таңдау.
• Мамандыққа бағыт-бағдар берушілерге ауып кету.
• Мектептегі пәннің мамандыққа сәйкес келуі
• Өзінің қабілетін, жеке қасиетін анықтай алмау, кемшіліктерін білмеу.
  Жаңа ақпарат (психологтың кеңесі)

«Еңбек атаулының бәрі де бағалы, өйткені ол адамды ізгілендіреді» Л.Н.Толстой

Адам өзінің болошақ кәсібіне әртүрлі жолдармен келеді. Біреулер үшін –ол ойға алған арманның орындалуы, отбасы дәстүрін жалғастыру, келесі біреулер үшін — әйтеуір бір мамандық алу керек болған соң т.б мамандықты таңдау үшін, адам ең алдымен өзін өз бейімділігін тануы қажет. Өз-өзіне «Мен кіммен?», «Осы өмірдегі менің орным қандай?, «Қалай өмір сүремін?» деген сұрақ қоймайтын адам кем де кем .
Мынау көп салалы өмірде мамандықтың түрі көп. Әрине таңдау жасау оңай емес. Ең бастысы — адам еңбекке қабілетті, зейінді болуы қажет және оның мамандығы өзі өскен ортаға маңызды,   бағалы үлес қосатындай болуы шарт. Өз ісіне сенімді дұрыс таңдаған адам ғана жетістікке жетеді.  Адам еңбегінен қуанышын таба білсе, бойына жаңа күш қосылып, еңбекке деген шабыты арта түседі. Зор ықылас, шабытпен істеген іс-табыс биігіне жеткізген қанат.
6.«Мамандық» акроөлең жаттығуы
Нұсқау: Әр топ мамандыққа байланысты акроөлең шумақтарын шығарып айтады.

М-
А-
М-
А-
Н-
Д-
Ы-
Қ-
7.«Жардан құлау» жаттығуы Мақсаты: Оқушыларды қиындықтан шығуға , қиындықты жеңуге үйрету.
Нұсқау: Оқушыларды бір сызық бойымен тұрғызып, қолдарын мықтап ұстап, бір оқушыны көшбасшысының қасына тұрғызады. Сол оқушы жардан құламау үшін, сызылған сызықтан аспай, қол ұстасқан оқушылардың көмегімен қатардың соңына дейін бару керек. Ал қатардағы оқушылар  өтіп келе жатқан оқушыға көмектеспей, қимылдап тұру керек.

8. «Армандар» жаттығуы
   Барлық қатысушы шеңбер бойымен отырып, 3-4 рет терең дем алып, көздерін жұмады. Өз тілектеріне көңіл аудара отырып, болашақ мамандығын, қоғамдағы орнын, жақын арадағы қоршаған ортасын елестетеді. 1,5 минут уақыт беріледі. Жанға жағымды әуен ойнайды.

Берілген уақыт өткен соң тағы да 3-4 рет терең дем алып көздерін ашады. Топ өзінің алған әсерімен бөліседі. Тренер әркімнің айтқандарын толықтырады, яғни әрқайсысының қол жеткізгісі келетін, алға қойған мақсат, армандырының бар екенін айтады.
Топ қатысушыларының күтетін және күдік алатын, қорғанатын нәрселері. Әр қайсысы өздерінің жеке-жеке не күтетіндіктері мен қорқатын жағдайларын айтады. Қатысушылардың барлығы өз ойларын айтып болған соң, «дәл осы жерде және қазір болатын жұмыс мәні түсіндіріледі.

9. «Энерджайнер» жаттығуы. Сергіту сәтін жүргізу.
10. «Болашақтан хат» жаттығуы
    Кіріспе әңгімелесу .

Оқушылар! Сендер есейіп, өсіп, мектепті аяқтап қалдыңдар, жан-жаққа қанат қағып, ұшатын кездерің де болып қалды, іштеріңде көптеген оқушылар болашақта кім, қандай маман иесі болатындығын біледі.
Мен, әрине, барлығыңның армандарыңның орындалғанын қалаймын ал енді мына нәрсені ойласайық. Үлкен білім әлеміне алғаш есікті айқара ашатын адам туралы сыр шертейік. Иә, әрине, ол ұстаз. Ал, бүгін алғашқы хатты жазып, жаттығып көрейік. Ол үшін сендер өздеріңді мектеп бітіріп қойдым, ересекпін, қызметім бар, жеке өмірім бар деп елестетіңдер.

 «Бос микрофон» (рефлексия )
Еркін түрде қатысушылар психологиялық тренингтен алған әсерлері туралы пікір бөліседі.
11.Оқушы пікірі.
Сұрақ: Бүгінгі  күннен өзіңіз үшін қандай қорытынды жасадыңыз, ойландыратын жағдай болды ма?12.Қорытынды.
Бүгінгі  сабағымызды  мына өлең жолдарымен аяқтауға рұқсат етіңіздер
Еңбек етсем, ертеңгі- бақытыма сенемін.
Масқатыма жеткізер- уақытыма сенемін.
Достық іс пен қасты да- жеңеріме сенемін,
Ақыл, сана білім мен- өнеріме сенемін.
Арым — таза, ақ көңіл- адалдыққа сенемін,
Абыройлы, ақ ниет- адамдыққа сенемін!- дегендей ел сеніміне кіретін құрметті  мамандық иесі боламын десеңіздер бүгінгі кездесуде айтылған ақыл кеңестерді жадыңызда ұстап ілім- білім алуға барлық күш жігерлеріңді жұмсап, егеменді еліміздің ертеңі -болашақ маман иелері болуларыңызға тілектестігімді білдіремін!

Айнатуова АйнашТемирбаевна,
СҚО, Жамбыл ауданы,

                         Жамбыл жалпы орта білім беру мектебінің

                          психологі.