Бауырсақпен саяхат

Тәрбиеші: Балалар, қараңдаршы бізге бүгін қонақтар келіпті. Ең алдымен қонақтармен  амандасып алайық.

-Сәлеметсіздер ме?

Балалар шаттық шеңберін орындайды.

Үлкенде сіз,

Кішіге сіз,

Құрметпенен сіздерге,

Бас иеміз біз!

Тәрбиеші: Балалар, сендер ертегілерді жақсы көресіңдер ме?

Балалар:Иә.

Тәрбиеші: Сендер қандай ертегілерді білесіңдер?

Балалар: «Бауырсақ», «Үш аю», «Маша мен аю»,  «Шалқан», «Шұбар тауық».

Тәрбиеші: Жарайсыңдар, көп ертегі біледі екенсіңдер. Бүгін мен бір ертегі кейіпкерін көрдім. Ол сендермен  кездескісі келеді, сендер оны көргілерің  келе ме?

Балалар: Ия.

Тәрбиеші: Бұл кім екенін, сендер жұмбақ шешу арқылы білесіңдер.

Атасынан қашқан кім,

Апасынан қашқан кім,

Піскен күні қызарып,

Терезеден секіріп.

Орманға қарай қашқан кім?

                                                      (Бауырсақ)

Балалардың жауабы: бауырсақ

Тәрбиеші:Дұрыс айтасыңдар, балалар. Жұмбақтың жауабы-бауырсақ екен. Міне, біздің кейіпкеріміз. Бауырсақ- өте көңілді.

Бауырсақ:  Сәлеметсіздерме? Балалар! Мен саяхаттағанды жақсы көремін. Сендер саяхаттағанды жақсы көресіңдер ме?

Балалар: Ия.

Бауырсақ:  Олай болса , орманға қарай бет алайық.

Тәрбиеші: Балалар бауырсақпен бірге  шеңбер бойлап жүреді. (музыкаменен)

— Балалар, қараңдаршы біреудің құлағы көрінетін сияқты.

— Бұл кім екен?

Балалар: Қоян.

Тәрбиеші: Дұрыс, айтасыңдар қоян екен.

Қоян: Сәлеметсіздер ме, балалар!

Қайда жол тартып барасыңдар?

Біртүрлі бауырсақтың дәмді иісі шығады. (иіскеп қояды).

Тәрбиеші: Бауырсақты көрсетеді.

Бауырсақ: Бірақ, сен мені жеме. Себебі,  мен балалармен саяхаттап жүрмін.

Қоян: Жемеймін. Егер сендер менімен ойын ойнасаңдар ғана жемеймін.

Тәрбиеші: Ойнаймыз ба?

Балалар: Ия.

Сергіту сәті.

Ұзын құлақ сұр қоян,

Естіп қалып сыбдырды,

Ойлы-қырлы жерлермен,

Ытқып-ытқып секірді.

Қоян: Сергіту сәтн орындап болған соң, көңіл-күйім көтеріліп қалды.

(Қош, сау болыңдар, балар! (Музыкамен балалар жүре береді).

Алдарынан қасқыр шығады.

Қасқыр: Саламатсыңдар ма? балалар!

Балалар, қайда жол тартып бара  жатырсыңдар! Біртүрлі бауырсақтың дәмді иісі шығып тұр. (Иіскеп қояды)

Тәрбиеші: Бауырсақты көрсетеді.

Бауырсақ: Жемеші мені. Мен балалармен саяхаттап жүрмін.

Қасқыр:Жемеймін. Сендер менің бөлтірігіме үй соғып берсеңдер, мен сені жемеймін.

Тәрбиеші: Соғып береміз бе?

Балалар: Әрине соғып береміз.

Тәрбиеші: Жарайсыңдар, балалар бұл тапсырманы  орындап шықтыңдар.

Қасқыр: Рахмет, балалар, бөлтіріктеріме үй соғып беріңдер.

Қош, сау болыңдар, балалар! Музыкамен шеңбер бойлап балалар жүреді.

Алдыларынан аю шығады.

Аю: Саламатсыңдар ма?балалар!

Балалар, қайда жол тарттыңдар? Балалар мен мына жолдан өте алмай тұрмын. Осы жолдан қалай өту керектігін көрсетсеңдер, бауырсақты жемеймін.

Балалар: Жолмен жүруді көрсетеді.

Аю: Балалар, рахмет жолдан өткізіп жібердіңдер. Сау болыңдар!

«Бауырсақ» әнімен саяхатқа шығады.

Тәрбиеші: Алдынан түлкі шығады.

Түлкі:Мм, тәтті, дәмді иіс шығып тұр. Менімше, бұл бауырсақтың иісі.

Сәлеметсіңдер ме? Балалар!

-Бауырсақты жесем бе? екен.

Тәрбиеші: Жемеші, себебі сен мейірімдісің, әдемісің, терің қандай жұмсақ, мұндай тон ешкімде жоқ.

Түлкі: Бауырсақтыжемеймін, іздеріңнен де ермеймін. Сау болыңдар, балалар!

Тәрбиеші: Ух, осы бауырсақты жеп қояма? –деп ойладым.

Бауырсақ атасы мен апасына барады.

Осымен ертегі сәтті аяқталады.

Заурбекова Г.,
№11 бөбекжай-бақшасының
ІІ санатты тәрбиешісі,
Жамбыл облысы, Тараз қаласы