Білім айнасы газеті Республикалық газет Желтоқсанның 9 жұлдызында Астана қаласы №38 мектеп-лицейінде Қазақстан Республикасы Тәуелсіздігінің 25 жыл мерейтойына арналған «Ел бақытын тербеткен Тәуелсіздік» іс-шарасы аясында жоспар бойынша бастауыш сынып оқушыларының арасында «Ұлы дала әуендері» атты тақырыпта патриоттық әндер байқауы өтті. Бұл байқау жас ұрпақтың бойына Отанына, еліне, ұлтына деген патриоттық сезімін қалыптастырады. Байқау қорытындысы бойынша «Өнерлі бала», «Күміс көмей әнші», «Әнші бұлбұл бала» номинацияларын иеленген оқушылар марапатталды. Атап айтсақ, ерекше өнер көрсетіп, «Өнерлі бала» номинациясын 2 «Ж» сынып оқушысы Шахизада Алнияз жеңіп алды. Жиналған мұғалімдер, ата-аналар, оқушылар барлық үміткерлердің өнеріне риза болды.
Ильясова Жанат,
№38 мектеп-лицейдің
бастауыш сынып мұғалімі,
Астана қаласы
