Білім айнасы газеті Республикалық газет 2018 жылдың 19 қарашасында Қазақстан Республикасында орта білім берудің мазмұнын жаңарту шеңберінде сертификатталған бастауыш сынып мұғалімдерінің арасында «Қысқа мерзімді жоспардың видеопрезентациясы» республикалық қашықтық байқауының қорытындысы жасалынды. Байқаудың ұйымдастырушысы «Өрлеу» біліктілікті арттыру ұлттық орталығы» АҚ филиалы «Батыс Қазақстан облысы бойынша педагогикалық қызметкерлердің біліктілігін арттыру институты» болып табылады.
Байқаудың мақсаты: бастауыш сынып мұғалімдерінің орта білім беру мазмұнын жаңарту аясында жоғары кәсіби құзыреттілігін көрсететін озық тәжірибелерін анықтау. Міндеттері: жаңартылған білім беру мазмұнының оқу бағдарламаларын іске асыру үшін сабақ үлгілерін дайындау, тәжірибелерін жетілдіру; видеопрезентация арқылы үздік педагогикалық тәжірибені тарату.
Байқауға Ақмола, Ақтөбе, Алматы, Батыс Қазақстан, Жамбыл, Қызылорда, Маңғыстау, Солтүстік Қазақстан, Шығыс Қазақстан облыстары мен Шымкент қаласынан 10 жұмыс ұсынылды. Байқау қатысушыларының видеопрезентациясы мен қысқа мерзімді сабақ жоспарлары сапалы және байқау талаптарына сай жасақталған.
Байқау қорытындысына сай:
— Ақтөбе облысы, Ақтөбе қаласы, №51 гимназияның бастауыш класс мұғалімі Эльмира Акмырзакызы Булекеева және Батыс Қазақстан облысы, Орал қаласы, № 24 ЖББОМ бастауыш сынып мұғалімі Наталия Александровна Волкогон – І орын;
— Ақмола облысы, Зеренді ауданы, Ақадыр ОМ бастауыш сынып мұғалімі Сайран Закер және Шымкент қаласы, №20 мектеп-гимназиясының бастауыш сынып мұғалімі Елена Владимировна Кучер – ІІ орын,
— Жамбыл облысы, Жуалы ауданы, №1 мектеп-гимназиясының бастауыш сынып мұғалімі Лейле Айдосовна Бегайдарова және Солтүстік Қазақстан облысы, Петропавловск қаласы, №10 орта мектебінің бастауыш сынып мұғалімі Мария Валерьевна Галеева – ІІІ орынмен марапатталды.
Алматы облысы, Іле ауданы, Өтеген батыр кенті, №38 мектеп-гимназиясының бастауыш сынып мұғалімі Айгуль Каирбергеновна Абдиева; Шығыс Қазақстан облысы, Риддер қаласы, Оқу-тәрбие және сауықтыру Орталығының бастауыш сынып мұғалімі Вера Максимовна Хряпина; Маңғыстау облысы, Бейнеу ауданы, Үстірт орта мектебінің бастауыш сынып мұғалімі Пердегул Утениязова және Қызылорда облысы, Қармақшы ауданы, Байқоныр қаласы, №273 мектебінің бастауыш сынып мұғалімі Коптлеуова Ажаркуль Ыхласовна қатысушы куәлігіне ие болды.
Байқауға қатысқан бастауыш сынып мұғалімдері мен оларға әдістемелік қолдау көрсеткен «Өрлеу» БАҰО» АҚ филиалдарының тренерлеріне алғыс білдіреміз.
Динара Жумагалиева,
«Өрлеу» БАҰО» АҚ филиалы
«Батыс Қазақстан облысы
бойынша педагогикалық қызметкерлердің
біліктілігін арттыру институты»
