Білім айнасы газеті Республикалық газет Құрметті журналистер!
2018 жылдың 17 қазанында Астанадағы «Қазмедиа орталығының» Конференц-залында (21-қабат) қазақтың көрнекті сазгері әрі қоғамдық қайраткері Төлеген Мұхамеджановпен кездесу өтеді. 70 жылдық мерейтойына орай сазгер Мәскеудегі ең ежелгі «Музыка-П.И.Юргенсон» баспасында шығарылған ең ауқымды туындысы — «Махамбет» симфониялық поэмасының партитурасын жұртшылыққа таныстырады. 150 жылдық тарихы терең бұл атақты баспада әртүрлі жанрдағы көптеген музыкалық туындылар, музыка тарихы жайлы кітаптар басып шығарылды. Дәл осы баспада А. Даргомыжский, М. Глинка, И. Стравинский, П.Чайковский, С. Рахманиновтың шығармалары жарық көрген.
Сондай-ақ, кездесу кезінде Төлеген Мұхамеджановтың аспаптық композициялардан тұратын «Өмір өзені» атты жаңа альбомының таныстырылымы өтеді. CD-дисктің мастерингін жасаумен Sterling Sound атты әлемдегі ең үздік дыбыс жазушы студиясы (АҚШ) айналысты. Сонымен қатар, Т. Мұхамеджанов 2017 жылы Мәскеуде Жан Луна деген лақап атпен шығарылған поэзиялық шығармалары мен прозасының екі томдығын таныстырады.
Сазгердің танымал әндері мен фортепианалық миниатюраларынан тұратын екі ноталар жинағын таныстыру ән сүйер қауым үшін тосын сыйға айналары сөзсіз. Жинақтар әнқұмарлардың өз үйінде музыка ойнауы үшін арналған, сондай-ақ, музыкалық оқу мекемелерінің студенттері оны оқу материалы ретінде қолдана алады.
Сазгер өзінің шығармашылық жоспарларымен бөлісіп, жүзеге асырылған жобалары және қоғамдық қызметі жайлы әңгімелеп береді.
Қазақстанда 18 қазан күні атап өтілетін Рухани келісім күні қарсаңында руханият және оны «Мәдениет арқылы бейбітшілікке» халықаралық қауымдастығының қызметі арқылы ілгерілету мәселесі қозғалады.
Сіздерді іс-шараға қатысуға шақырамыз!
Пресс-ланчтың өтетін орны мен уақыты: Қазақстан, Астана, Д. Қонаев к.,4 2018 жылдың 17 қазаны, сағат 16:00-де.
Аккредитациядан өту үшін:
Фариза Жәнібекова +7 7172 728047, +7 775 700 19 40, e-mail: zhanibekova.f@pressclub.kz
