Білім айнасы газеті Республикалық газет Павлодар облысы білім беру басқармасының бастамасымен ағымдағы жылдың 25 сәуір-25 мамыр аралығында облыс балалар үйлерінде «Отбасына барғым келеді!» акциясы өткізілді.
Акцияның мақсаты – жетім балаларды орналастырудың отбасылық нысандары: асырап алу, қамқоршылық, патронат, кабылдаушы және қонақ отбасы туралы ақпараттық-түсіндіру жұмысын өткізу, сондай-ақ, баланы отбасында тәрбиелеуге қабылдауға тілек білдіретін азаматтарға консультациялық көмек көрсету.
Акция ашық есіктер күні ретінде өткізіліп, оған балалардың ата-аналарды, жақын туыстарды, балалар үйінде тәрбиеленетін баланы отбасында тәрбиелеуге тілек білдіретін бей-жай қарамайтын азаматтар шақырылған. Акцияға барлығы 300-ге жуық қонақ, оның ішінде Астана, Алматы, Ақтөбе, Семей, Көкшетау қалаларынан және Павлодар облысының қалалары мен аудандарынан қатысқан.
Акция барысында қонақтар тәрбиеленушілермен бірге тренингтерге, спорттық іс-шараларға, флэш-мобтарға, шарларды әуеге ұшыруға, көшеттерді отырғызуға және т.б. қатысты.
Акция қорытындылары бойынша балалар үйінде тәрбиелетін 55 бала отбасыға алынатын болады, оларға құжаттар ресімделіп жатыр. Сонымен қатар, тағы 4 қабылдау отбасын ресімдеу жоспарлануда. Облыста 9 баланы тәрбиеге алған екі қабылдаушы отбасы бар, бұл Железин ауданынан Друзик отбасы және Успен ауданынан Мороз отбасы.
