Балабақшадағы шағын жобалардың тиімділігі

Жобалау әдісі – инновациялық педагогикалық технология. Педагогикалық жоба ол педагогтардың арнайы ұйымдастырған, балалардың өздігінен шешім қабылдауын және де өз таңдауы мен еңбегінің, шығармашылығының нәтижесіне өзін жауапты ететін іс-әрекеттер тобы. Арнайы білімді қажет ететін айқын мәселелерге ынталандыру және жоба іс-әрекеті арқылы мәселенің шешімін қамтитын білімнің іс-жүзінде пайдалануы.

Қазіргі қарыштап дамыған заманда жобалау әдісі өте қажет. Ол балалармен жұмыс істегенде де, педагогтармен жұмыс жасағанда да әрбір жүргізілетін жұмысты жоспарлап, алдыға мақсат қойып, сол мақсатқа кезең-кезеңмен жетуде көмегі мол.

Мен өз іс-тәжірибемнен шағын жобаларымның бірін ұсынып отырмын. Бұл жоба жас мамандар мен тәлімгерлер арасындағы бірізділікті, ынтымақтастықты нығайта түседі деп ойлаймын.

Түсінік хат

Мектеп жасына дейінгі балаларды дамыту мәселесі мемлекеттік саясаттың ажырамас бөлігі болып отыр. Сондықтан мектепке дейінгі балаларды оқыту мен тәрбиелеудің негізгі мақсаты – баланың жеке басының қалыптасуы мен дамуына ықпал ету. Жаңа заман баласы ертеңгі еліміздің болашағы. Жаңа заман баласын қалыптастырып, дамыту үшін, тұлғаның ішкі дүниесі мен оның қыр сырын анықтап, мүмкіншіліктері мен қабілетінің дамуына жағдай туғызу қажет. Әрине, ол үшін мектепке дейінгі білім беру мекемелерінде балалардың жеке басының қалыптасуы мен дамуында педагогтардың педагогикалық технологияларды қолдана білу сауаттылығы жоғары деңгейде болу керек.

«Қазіргі заманда жастарға ақпараттық технологиямен байланысты әлемдік стандартқа сай мүдделі жаңа білім беру өте қажет»,-деп Елбасымыз атап көрсеткендей педагогикалық технологияны қолдану негізінде келешек ұрпақтың еркін дамуына, жан-жақты білім алуына, белсенді, шығармашыл болуына жағдай жасау қазіргі таңдағы әрбір педагогтың міндеті.

Мектепке дейінгі мекеме педагогының кәсіби біліктілігі мен шеберлігі мектеп жасына дейінгі балаларды тәрбиелеу мен дамыту бағдарламаларын іске асырудың негізгі құралы болып табылады. Балалармен жұмыс істеу барысында педагогтар алдында мынадай талаптар тұр:

— тәрбиеші қызметіндегі мақсат қоя білуі;

— білім мазмұнын игеруі;

— балалардың білім алуға деген мүмкіндіктері мен психологиялық ерекшеліктерін алдын ала диагностикалауы;

— ұйымдастырылған оқу қызметін өткізудің әдістемелік жағын ұйымдастыра білуі;

— балалармен жақсы қарым-қатынас жасай білуі (коммунативтік әрекет);

— балаларды білімге ынталандыру, қызықтыру іс-әрекеті;

— балалардың білім дағдыларын бақылау және бағалау іс-әрекеті.

Педагогтардың шеберліктерін жетілдірудегі тәлімгерлік орталығының рөлін арттыру мақсатында «Тәлімгер мектебі» жобасы жоспарланып құрастырылды. Жоба педагог қызметкерлермен жасалатын негізгі құжат болып есептеледі. Тәрбиешілерді тәлімгерлік ету арқылы ұйымдастырылған оқу қызметін жоспарлауды, жаңа әдіс-тәсілдерді тиімді қолдана білуді, іс-әрекетті зерттеуді, өз ісіне баға бере отырып, әлсіз және мықты жақтарын айқындап, жаңа форматта мерекелік шараларды ұйымдастырып, өткізуге көмектесу арқылы төмендегі шешімдерді орындайды:

— оқыту мен оқудағы жаңа әдіс-тәсілдерді қолдану арқылы кәсіби дамуына жағдай жасайды;

— өзара тәжірибе алмасау әрекетін ұйымдастырады;

— кәсіби жетілу жолдарын анықтайды, мониторингісін жасайды;

— тәлімгерлік арқылы жоғары мүмкіндіктерге жол ашады, әріптестеріне қолдау көрсетеді;

Тәлімгерлік-тәлім алушылардың кәсіби дамуына бағытталған үрдіс деп айтуға болады.

«Тәлімгер мектебі» шығармашылық жобасының төлқұжаты

 Жобаны іске асыру кезеңдері 

 «Тәлімгер мектебі» жобасының іс – шаралар жоспары 

Жылкыбаева Казына Оразалиевна

Қарағанды облысы, Абай ауданы, Топар кенті,

«Ақерке бөбекжай» КМҚК әдіскері