Білім айнасы газеті Республикалық газет
Жарқайың ауданында 24 тамыз бен 26 тамыз аралығында «Ақ Бидай» XXX жазғы ақтық жарыстардың облыстық спартакиадасы өтеді, деп хабарлайды Ақмола облысы ішкі саясат басқармасының Өңірлік коммуникациялар қызметі.
Облыстық спартакиада бағдарламасы жеті спорт түрі бойынша өтеді деп жоспарлануда. Олар: футбол, волейбол, ерлер мен әйелдер командалары арасында, шахмат, дойбы, үстел теннисі, жеңіл атлетика, отбасылық старттар.
Үстел теннисі А. Үкібаев атындағы орта мектептің спорт залында, ал шахмат және дойбы бойынша жарыстар аудандық мәдениет үйінде өтеді.
Жалпы, жарыстар спорт кешенінде өткізіледі. Волейбол жарысында 6 әйелдер және 6 ерлер командасы қатысады. Ал футболға 4 команда қатысады, оның ішінде Жарқайың ауданының да командасы бар. Жеңіл атлетика мен отбасылық старттар «Жастар» алаңында өтетін болады.
Финалға шыққан командалардың келу күні: футбол бойынша — 23 тамыз, волейбол — 21 тамыз. Спорттың басқа түрлері бойынша келу күні — 24 тамыз.
Сонымен қатар, қазылар алқасының делегация басшыларымен отырысы 24 тамызда сағат 18.00-де аудандық мәдениет үйінде өтеді деп күтілуде.
Жарыстың салтанатты ашылуы 24 тамыз күні сағат 20.00-де орталық «Жастар» стадионда басталады. Сағат 21.00-де орталық алаңда отандық әртістердің қатысуымен мерекелік концерт пен отшашу өтеді.
