Жүргізуші:

Қарттарым, жүректерің неткен дархан, Көтерген тұрмыс жүгін сенің арқаң. Жолыңды жүріп өткен қарасам мен Оқитын келешекте бір-бір дастан. Таң атып, күн де шыққан өздеріңнен, Жалындап жұлдыз жанған көздеріңнен, Тербедің көктем бағын самал болып Өсиет жастарға айтқан сөздеріңмен.

№6 «Орман ертегі» МДҰ-ның тәрбиеленушілері әжелерімен бірге «Ата-баба дәстүрі – амандықтың белгісі» атты сайысқа түспекші.

Сайыс 5 шарттан тұрады.

Сайысымыздың шарттарымен таныстырып өтейін:

1. «Тегін білу тектілік» — өзін таныстыру.
2. «Жақсы сөз – жарым ырыс» — көне сөздер мағынасын ашу.
3. «Қонақжайлық – ас әзір» — ұлттық тағамдарды дайындау.
4. «Ата дәстүріміз» — ұлттық салт дәстүр көрсету.
5. «Өнерлі өзге жүзер» — өз өнерін көрсету.

Байқауға қатысатын үміткерлеріміздің өнерін сараптап бағалау үшін әділ қазылар алқасымен таныстырып өтейін:

1. Қуанышева Рсты Базаровна
2. Тлеубергенова Майра Изғалиқызы
3. Аймағамбетова Гулнар Маждуллаевна

Ендеше сайысқа қатысушы әжелерімізді ортаға шақырамыз:

1. Екінші кіші «Балапан» тобының тәрбиеленушісі Бисенбай Ибраһим – Дамежан әжесімен;
2. Ортаңғы топ «Күншуақ» тобының тәрбиеленушісі Бисенбай Гүльфайруз – Шолпан әжесімен;
3. Ересек «Таңшолпан» тобының тәрбиеленушілері Уразалин Тамерлан – Гүльзипа әжесімен, Берікбай Бағлан – Үлмекен әжесімен, Амангельды Сұлтан – Қарашаш әжесімен;
4. МДТ «Алғырлар» тобының тәрбиеленушісі Қобыланов Даулет – Ақжеңіс әжесімен.

Өнер қуып әжелер өтер деймін, Балаларымен мұратына жетер деймін. Бұл сайыста әжелер кезектесіп Өздерін таныстырып өтер деймін.

• Ендеше сайыскерлерімізді I «Тегін білу тектілік» — өзін таныстыру кезеңіне ортаға шақырамыз:

Шырқаған балапаны өз тілінде, Күнім шықты алдымнан сен күлімде. Бүгінгі күнде көне сөзді еске алып

Мағынасын олардың бірге ашайық, -дей отыра, сайысымыздың ІІ шарты — «Жақсы сөз — жарым ырыс» — көне сөздер мағынасын ашу кезеңіне ортаға шақырамыз.

Екінші кіші «Балапан» тобының бүлдіршіндері әннен шашу шашады.

Ән «Менің Әжем»·

  Сайысымыздың ІІІ шарты бойынша «Қонақ жайлық» — ұлттық астағамдарды көрсетуге сайыскерлерімізді ортаға шақырамыз.

·     Сайысымыздың IV шарты бойынша — «Ата дәстүріміз»: әр сайыскер ұлттық салт-дәстүрді көрсетеді. Ортаға сайыскерлерімізді шақырамыз.

Анаға қарап қыз өсер,

Маздаған шоқты кім көсер?!

Кезек те келіп қалыпты

Үй тапсырмасын көрсетер.

Сайысымыздың V шарты «Өнерлі өрге жүзер» — әр сайыскер өз өнерін көрсету. Сайыскерлерімізді үй тапсырмасымен ортаға шақырамыз. Осымен «Ата-баба дәстүрі амандықтың белгісі» атты сайысымыз мәреге жетті, қазылар алқасы өз шешімін шығарғанша бүлдіршіндерімізді ортаға ән айтуға шақырамыз.

—            Құрметті қонақтар, аналар, өздеріңізбен бірге қызықтап өнерлерін тамашалаған «Ата-баба дәстүрі амандықтың белгісі» сайысы да аяқталды.

«Жүйріктен жүйрік озар жарысқанда» демекші бүгінгі жарысымыздың жеңімпазын анықтау үшін сарапшылар алқасына сөз береміз.

—          Келесі кездескенше, аман-сау болыңыздар!

Г.А. Малаева

МКҚК №6 «Орман ертегі» МДҰ,

әдіскер,

Ақтөбе қаласы