Білім айнасы газеті Республикалық газет Мақсаты:Балаларды ертегіні рөлдерге бөліп сахналауға,ертегінің мазмұнын түсінуге,берілген тапсырмаларды орындауға,балалардың сөйлеу және ойлау қабілеттерін дамыту,кішіпейілдікке,батырлыққа,қамқорлыққа тәрбиелеу.
Қажетті көрнекіліктер:атрибуттар,геометриялық пішіндер,суреттер,сандар,көкөністер мен жемістер.
Барысы
Шаттық шеңбері:
Шеңбер болып тұрайық,
Алақанды ашайық.
Күннің нұрын салайық,
Жүрекке жылу жинайық,
Жиналған жылы шуақты,
Қонақтарға шашайық.
Сұрақ-жауап.
— Жарайсыңдар,балалар, біз қонақтарға не шаштық?
— Күн қайда болады?
— Күннің түсі,пішіні қандай?
— Мынау не?
— Бұл күнге нелер жетіспейді?
Балалардың жауабы.
Балалар: күннің көзін,мұрнын,аузын құрастырады.
Тәрбиеші: Ендеше мен мына сиқырлы орамалдың күшімен бір ертегінің кейіпкерлерін шығарамын.
Ақ орамал алғаным — жолдарың ақ болсын дегенім.
Үстіндегі әдемі гүл,гүлдей жайнасын дегенім деп,-сиқырлы сөз айтып сиқырлайды.
— Ал, балалар, бұл қай ертегінің кейіпкерлері?
— Жарайсыңдар,ендеше біз ертегілер еліндеміз
Бір күні арыстан бір ағаштың түбінде ұйықтап жатады.Бір тышқан арыстанның қасында ойнап жүріп оятып алады.Арыстан оянып кетіп тышқанды ұстап алады.
Арыстан: Ұйқымды неге бұзасың?-дейді ызаланып.
Тышқан: Жіберші мені,тамақ іздеп жүр едім, жібере гөрші,мен де бір керегіңе жарармын деп,-жыламсырайды.
Арыстан: Түрің мынау, сен не жақсылық жасай аласың?! Бойыңа қарап сөйлесеңші.Жоқ, мен сені жібермеймін.
Тәрбиеші: Балалар, тышқанға көмек керек сияқты.Көмектесеміз бе?
Балалар келіседі.
Арыстан: Мен тышқанды жіберу үшін екі шартымды орындауларың керек.
1-тапсырма: Мына аңдар азығын таба алмай тұр.
Тәрбиеші: Балалар, мына аңдардың азықтарын тауып берейік.
Ойын: «Аңдардыңазығын табу».
2-тапсырма: Мына сандар адасып кеткен,өз орнына орналастыру.
Тура және кері санау.
Ойын: «Адасқан сандар».
Арыстан тышқанды жібереді.
Сергіту сәті.
Бұғының үлкен үйі бар,
Терезеден қарайды ол.
Қоян жүгіріп келеді,
Бұғының үйін көреді,
Тук-тук, достым, есік аш,
Ана орманда аңшы қаш,
Қоян,қоян келе ғой,
Қолыңды маған бере ғой.
Арыстан ақырған дауыс шығарады.
Мерген келіп арыстанның ақырған даусын естіп,мұны ұстап алып,хайуанаттар паркіне сатып жіберейін,-деп ойлайды.
Шөлдеген арыстан өзенге келе жатып торға түсіп қалады.Әрі жұлқынып,бері жұлқынып тордан шыға алмайды.
Арыстан: Көмектесіңдер,шаршадым,қарным ашты.
Тәрбиеші: Балалар,арыстанға көмек керек болып тұр.Көмектесейік.
Тышқан: Жоқ,жоқ көмектеспеңдер,ол мені де жібермей, өзінің шартын орындатып барып жіберді ғой.Менің де екі шартым бар.
1-тапсырма: Сурет бойынша әңгіме.
Күз мезгілінің бірнеше суреттеріне қарап әңгіме құрастырады.
Ойын: «Көкөністер мен жемістерді ажырату».
2-тапсырма: Логикалық тапсырма.
Қарақтарым,шырақтарым,
Есікті ашшы шұнақтарым.
Келіп тұрған аналарың,
Сүтке толы мамаларың.
Бұл қай ертегіден үзінді? «Апа, апа, менің құйрығымды берші,сен бірінші менің қатығымды төле» — дейді.
Бұл қай ертегіден үзінді?
- Ағашта бес алма өсіп тұр еді,оның төртеуі үзіліп түсті.
Ағашта неше алма қалды?
- Талда үш торғай отыр еді,қасына тағы екі торғай келіп қонды.
Талда неше торғай болды.
- Өрісте төрт бұзау жайылып жүр еді,екеуі шаршап жатып қалды.
Өрісте неше бұзау жайылып жүр?
Арыстан: Балалар,сендерге көп-көп рахмет,бізді құтқардыңдар,тышқан екеуміз енді дос боламыз.Сендерге ертегілер елінен сыйлығымыз бар.Табыс етеді.
Тәрбиеші: — Жарайсыңдар,балалар бүгінгі оқу іс-әрекеті сендерге ұнады ма?
— Қандай ертегіні сахналадық?
— Нелерге көмектестік?
— Қандай ойындар ойнадық?
— Бүгін барлығың да жақсы жауап беріп6 жақсы қатыстыңдар.Бір-бірімізге қол шапалақтап мадақтайық.
Қане,балалар жылулық шеңберіне тұрайық.
Қол ұстасып тұрайық,
Шеңберді біз құрайық.
Көріскенше күн жақсы,
Сау-саламат болайық!
Қойшина Айнұр Қартқожаққызы
№45 «Алтын бала» бөбекжайының
тәрбиешісі,
Ақтөбе қаласы
