Білім айнасы газеті Республикалық газет Мақсаты:
• Балаларға АРТ-терапия туралы түсінік беру;
• сурет салу терапиясы жаттығуларын орындау;
• әсемділікті сезінуге тәрбиелеу.
Ортақ қобалжу: «Біз әртүрліміз»
Әдістемелік жарақтау: А4 қағаз, түрлі түсті бояу, су бояу.
Уақыты: 20 минут
Жоспар:
1. Сәлемдесу (танысу) жаттығуы
2. АРТ-терапия туралы түсінік
3. Сурет салу терапиясы
4. Еркін сурет жаттығуы
5. Сиқырлы алақан жаттығуы
6. Сергіту
7. Рефлексия
Тренингтің барысы:
1. Сәлемдесу жаттығуы “ Кездесу ”
булдіршіндер бір-бірімен амандаса тұрып, адамға жағымды сөздер айту әдетін жаттықтыру. Мысалы: Сәлем Жанар, сен бүгін өте әдемісін, немесе сәлем Исмаил, осы аптадағы істерің онды болсын.
Таныстыру
Жүргізуші. Барлығымызға белгілі біздің азан шақырып қойған атымызбен қатар отбасымызда ата-анамыз, ата-әжеміз, аға-апамыз, сонымен қатар достарымыздың ортасында еркелетіп атайтын екінші есіміміз бар. Оны естіген кезде ерекше сезімге бөленіп, көңіліміз көтеріліп жатады.
Нұсқау: Қазір 1 минуттай ойланып, сол есімдеріңіз бен өзініңізді теңестіретін қандай да бір затты, табиғат құбылысын немесе бейнені естеріңізге түсіріңіз. Сіздердің өз есімдеріңізді топ алдында жариялап, топқа өзіңізді жаңа бір қырыннан таныстыруға мүмкіндігіңіз бар.
Еркін сурет жаттығуы
Мақсаты: Бұл жаттығу сабақ бастамасында өте қолайлы. Ол баланың шығармашылық қабілетін оятады, өз эмоцияларын сезінуге және бір-бірлерімен танысуға мүмкіндік береді.
Материалдар: парақ, қарындаш, бояу.
Өтілу барысы: Парақ, қарындаш жағынан жетіспеушілік сезінбеуі керек. Әр адам өзі жалғыз қала алатын орын табады. 2 минуттай өз ойын жинақтайды, өз сезіміне құлақ салады. Оған алдағы жұмыстың шығармашылық жағын ойлап керек емес. Ол тек қарындашты алып, сурет сала бастауы керек. Сурет салушының міндеті — өз жағдайын символикалық бейнелеу. Ол өзін нақты бір нәрсе суреттеуге мәжбүрлемеу керек. Басына не келеді, соны салуы тиіс. Топ сурет салуды аяқтағаннан кейін, қатысушылар өзінің және басқалардың жұмыстары туралы ойларымен бөліседі, бірақ оларға баға бермеуі тиіс. Өз суретіне ұқсас суреттерді қарап шығып, бірге талдау
Сиқырлы алақан жаттығуы
Мақсаты: жаттығу шығармашылықты дамытады, өз қиялын оятады.
Материалдар: парақ, сулы бояу, қарындаш.
Өтілу барысы: Әрбір қатысушыда парақ, түрлі–түсті қарындаштар, қарындаш болуы керек. Бәрі шеңбер құра отырады. балаларға өз алақанына өзіне ұнаған бояуды жағып алып, сонаң соң ақ қағазға түсіреді. Кейін сол түскен саусақтардың ізінен өз қиялымен сурет жасап шығару керек. Тағыда жетіспеген элементтер қосуға болады. Жұмысты талдау.
7. Сергіту. Жақсы бір әуенге, би қимыл қозғалыстарын жасау.
8. Рефлексия
Бүлдіршіндерге бүгінгі сабақ туралы ойларын білу, сұрақтар қою.
• Бүгінгі сабақ ұнады ма, қандай әсер алдың?
• Бүгінгі сабақта саған не жаңалық болды?
• Болашақта өзіңе осы сабақтан не алар едің?
«Жақсы сөз» жаттығуы арқылы қоштасу.
Құсайынова Айгүл Меңдібайқызы
ГУ «КППК 2» Психолог маманы
