Білім айнасы газеті Республикалық газет 
1-жүргізуші: Армысыздар ақ жаулықты әжелер ардақты да аяулы аналар,балабақша ұжымы! Көктемнің алғашқы 8-наурыз аналар мерекесімен шын жүректен құттықтаймыз!
2-жүргізуші: Бүгінгі «Күншуақ» тобының «Ана-өмір гүлі» атты ертеңгілігін бастауға рұқсат етіңіздер.
Ұлдар шығады.
Қуанышы баланың,
Қуанышы ананың.
Қуанышы ананың-
Қуанышы баланың
Бізді өсірген анашым
Еңбегің де зор екен
Құтты болсын анашым,
Құтты болсын мерекең.
Қайсар: Ана-жүрек. Ана-тірек,тіректі құрметте!
Ана-шының,шыңыңа сағынып жет!
Ана-күнің,күніңе табынып өт!
Ернұр: Иә,шынында да,Ана-құдірет.Бар игі жақсылықтың бастауы-аяулы аналар!
Қайсар: Бүгін тек әжелер, аналар, апайлардың ғана мерекесі емес, сонымен қатар тобымыздың өте әдемі, ең сұлу, инабатты қыздарымыздың да мерекесі.
Ернұр: Ендеше қыздарымызды ортаға шақырайық.
Қыздар ортаға шығады.
Ернұр: «Ана» дейміз бәріміз де аңқылдап
«Ана» дейді жас сәби де жарқылдап
« Ана» деген бәйтерегі өмірдің
«Ана» деген алтын қазық,алтын бақ!
Хор: «Аяулы анашым»
Қайсар: Бүгін наурыздың 8-і
Сұлулықтың негізі
Әдемі сөз адамның
Анаға айтар лебізі
Жүргізуші: Бүлдіршіндеріміздің аналарына деген өлең жолдарын тыңдайық!
Есік қағып,көктем келеді:
Мен көңілді көктеммін,
Былтыр-келіп кеткенмін
Көзін ашып бұлақтың,
Түбіне тал еккенмін
Жүргізуші:Армысың Ару көктем! Ұлан байтақ жерімізге қош келдіңіз! Ару көктем біздің бүлдіршіндеріміз өзіңмен бірге тамаша би билемекші.
Би: «Көбелектер»
Жүргізуші: Шуақты көктем келді гүлін алып,
Көктемнің мерекесі бүгін анық
Өмірдің көктемі де гүлі-аналар!
Ана деп бас иеді бүкіл халық! –
Томирис,Айым,Сабыржанның орындауында «Апатайым» әні.
Ән: «Апатайым»
Жүргізуші:Балалар көктемде күн жылынады,жылы жақтан не ұшып келеді?
Балалар: Қүстар.
Музыка әуенімен Қарлығаш кіреді.
Қарлығаш:Жан-жағыма қарасам,
Қонақтар өте көп екен.
Ұлдар да көп,қыздар да көп
Мен қарлығашпын
Ақылыма көркім сай
Келіп қалдым мен бүгін,
Құттықтауға сіздерді
Аналарды,қыздарды,
Сүйікті әжелерді
Жүргізуші: Рақмет саған қарлығаш!
Қарлығаш:Бүгін тек аналар мен қыздардың ғана мерекесі емес.Сонымен бірге әжелеріміздің де мерекесі.Әжелерімізге арнап бүлдіршіндеріміз өлең жолдарын оқып бермекші.
Қарлығаш: Ой рахмет балалар! Мен әжемді қатты жақсы көремін.
Жүргізуші:Біздің де балалар әжелерін қатты жақсы көреді.
Ән: «Әже»
Көктем:Қандай керемет ән.Қарлығаш сен билегенді қатты жақсы көруші едің ғой.Қане әжелерге арнап би билеп берші.
Қарлығаш:Мен билегенді жақсы көремін.Қане,кім менімен билейді.
Би: «Буратино»
Жүргізуші: Ару көктем, Қарлығаш сендер біздің балалардың өнерлі екендерін көрдіңдер. Сендер біздің балаларға қандай сый алып келдіңдер?
Ойын: «Гүл сыйлау»
Жүргізуші: балалар сендер аналарыңды жақсы көресіңдер ме?
Балалар:Ия
Жүргізуші: Сендерге кім тамақ жасап береді,киім әпереді, ауырсаңдар кім дәрі береді?
Балалар: Анамыз
Жүргізуші: Ендеше балалар біз аналарымызға алғысымызды білдірейікші.
Балалар: Рахмет Сізге Ана!
Оспанова Жанар Абдиловна
Алматы қаласы, Алатау ауданы
«№164 бөбекжай-балабақшасы»
I- Санатты тәрбиеші
