Білім айнасы газеті Республикалық газет Адырбекова Гульжан Шекербековна
Астана қаласы, №71 мектеп-лицейінің
қазақ тілі мен әдебиеті пәнінің мұғалімі
Тәрбие сағатының мақсаты:
а) Жас ұрпақты Отанын сүюге, еліміздің рәміздерін қастерлеуге, бай — қуатты ел екендігін мақтан етуге үйретіп, туған еліне, жеріне деген сүйіспеншілігін арттырып, махаббат сезімін ояту;
ә) Отанын, туған жерін қорғай білуге, халқымыздың талантты ақындарының өлеңдері мен ата — бабаларымыздың өнгеге етіп қалдырған даналық сөздері арқылы оқушыларды ұлтжандылыққа, атамекенін көздің қарашығындай сақтай білуге, патриоттық сезімге тәрбиелеу;
б) Ойларын жүйелі түрде жеткізе білу, шығармашылықпен жұмыс жасап, мәнерлеп өлең оқып, мағынасын түсіне білу дағдыларын дамыту. Көрнекілігі: Елбасы суреті, Қазақстан Республикасының рәміздері, авторларының суреттері, қанатты сөздер, гүлдер, слайд, суреттер.
Көрнекілігі: нақыл сөздер,видеоролик,слайд арқылы дайындалған материалдар.
Қазақстан Республикасының Мемлекеттік Әнұраны орындалады.
Шаттық шеңбері
Бақыт деген-осы шаттық шеңбері
Қол ұстасып тұрайықшы,кел бері
Бақыт деген- көрмей қалса сағынып,
Мені іздейтін адал жүрек сендегі
Оқушылар бір-біріне «Менің елімнің болашағы» бағытында аффирмация айтады.(Отанымды сүйемін!Отаным-алтын бесігім!Мен Отаныма қызмет етемін) …
«Қазақстан қандай мемлекет?» деген сұраққа оқушылар кезекпен жауап береді. (көк және сары түсті лентаны шаңырақ бейнесінде ұстап тұрамыз)
(Бейбіт мемлекет.Тыныш мемлекет.Тәуелсіз мемлекет. Дамыған мемлекет. Көк туы желбіреген мемлеке . Көп ұлтты мемлекет Болашағы жарқын мемлекет. Бай мемлекет.)
Көк және сары лента арқылы топқа бөлемін. («Ту» және «Елтаңба»)
Мұғалім: -Біз бір шаңырақ астында тату-тәтті тұрып жатқан көп ұлтты мемлекетпіз.Іргеміз сөгілмей,әрқашан да бірлігіміз жарасып,тату-тәтті өмір сүрейік.Біздің кешеден бүгініміз,бүгіннен ертеңіміз жарқын.
- «Сиқырлы қоржын» ойыны.
(Қоржын ішінен біртіндеп сұрақтар алып,жауап береді)
Сұрақтар:
1.Қазақстан қандай мемлекет?
2.Қазақстанда неше облыс бар?
3.Қандай үлкен қалаларын білесің?
4.Қазақстанның табиғаты қандай?
5.Қазақстанның қандай тауларын білесің?
6.Қазақстанның теңіздерін ата.
7.Қазақстанның көлдерін ата.
8.Қазақстанның өзендерін ата.
- Постер қорғау (Ту мен Елтаңба туралы мағұлмат беру)
3.»Жүгіртпе диктант» ойыны :
1-топ
Астанам,жас қалам
Мақтанышым бас қалам
Көгінде шырқалсын
Шаттықты асқақ ән
2-топ
Астанам, жас қалам
Мақтанышым бас қалам
Келешек бақ күнге
Жолшы бол бастаған.
(Екі топтан бір-бір оқушы жазып отырады. Басқа оқушылар жүгіріп сөз тасиды.Бұл жерде шапшаңдық,сауаттылық,есте сақтау қабілеттері анықталады).
- Сергіту:
«Туған жер» тақырыбына аппликация құрастыру (Тақтаға магниттің көмегімен суреттерді қолданып аппликация құрастыру
- Математикалық амалдарды орындау.(Мысалы)
Қала-ла+заң -аң +асқабақ -сқабақ+ қоңыр- оңыр+ сары- ары+ тай-ай +ала -ла+ нан- ан= Қазақстан.
6.»Сыңарын тап» ойыны.
Шарларға сөздер жазылады. Оқушылар сөз сыңарын табуы керек.
Мысалы: Егеменді, жарқын, ел, болашақ т.с.с.
7.Сен еліңе қандай үлес қосасың?
(Сұраққа жауап беру)
- Рефлексия. (Оқушылар сабақтан алған көңіл-күйін эмоциямен көрсетеді) «От шашу»
- Қорытынды: (Мұғалім сөзі) Ата-баба арманы шындыққа айналған,қой үстіне бозторғай жұмыртқалаған бейбіт күнде өмір сүріп жатқан біздер бақыттымыз!Осындай шуақты күндерді, бақытты шақтарды бағалай отырып, жаңа биіктерге, жақсылықтарға ұмтылу-біздің басты бағытымыз!
Барлығы хормен: «Мен елімді сүйемін!»
- «Көк Тудың желбірегені»
