Білім айнасы газеті Республикалық газет 
Ә. Бөкейханов атындағы №23 жалпы орта мектебінің 3 «А» сынып оқушысы Алпыс Біржан Бақытжанұлы Түркістан облысы, Кентау қаласында 2010 жылдың ақпан айының 22 жұлдызында дүниеге келген. Қарапайым отбасынан шыққан. Біржан отбасында екінші бала. Ол салмақты, жүрген ортасымен тез тіл табысады, зерек оқушы. Ол алғаш мектепке 2016 жылы 1 сыныпқа қабылданады. Сол жылдың қыркүйек айынан бастап спорт үйірмесіне, оның ішінде «каратэге» қатысады. Талаптыға нұр жауар демекші, ерінбей еткен еңбегінің арқасында спорт пен сабақты қатар алып келеді.Оның алғашқы жеңісі, Кентау қаласында 2016 жылдың қазан айында өткен жарыстан III орынды иеленеді.Тұңғыш президент күніне арналған жарыста, ол III орын алады. 2017 жылдың ақпан айында Шымкент қаласында өткен жарыста I орынды иеленеді. Сол жылы қазан айында қала күніне арналған жарыстан екі I орын алады. Кентау қаласында Қазақстан Республикасы чемпионаттар арасында өткен жарыстан екі I орын алады. Желтоқсан айында Шымкент қаласында өткен Қазақстан Республикасы чемпионаттар арасында өткен жарыста екі I орынды иеленеді. 2018 жылдың ақпан айында Алматы қаласында өткен Республикалық турнирден I орын алады. Сәуір айында Тараз қаласында өткен Қазақстан Республикасы чемпионаттар арасында өткен жарыстан екі I орын алады. Еліміздің ертеңіне үлесін қосатын, көк байрағымызды биіктен көрсететін ұрпағымыз көбейсін! Рухани жаңғыруға өз үлесін қосып жүрген Біржандай ұлымызға айтарым, алар асуың көп болсын демекпін.
Гүлжахан Мәдіханқызы Бимурзаева
Кентау қаласы
Ә.Бөкейханов атындағы №23 мектептің мұғалімі
