Абайла бағдаршам

Жумирикова Бакытгүл Демеуханқызы,
Алматы қаласы
№110 бөбекжай-балабақша тәрбиешісі

Оқу қызметінің мақсаты: Балаларға жолда жүру ережесін есте сақтауға, және бағдаршамның атқаратын қызметін түсіндіру.Есте сақтау қабілетін  қызығушылықтарын арттыру
Дамытушылық мақсаты: балаларды көшеде дұрыс жүруге, жол ережесін сақтауға үйрету.

Тәрбиелік мақсаты: Жолда жүру ережесінің тәрбиелік мәнін түсіндіру .

Жаңа сөздер: Жол, жол сақшы, жиек .

Көрнекіліктер: көліктер, бағдаршам, жол

Билингвальды компонент: бағдаршам –светафор,қызыл –красный, сары –желтый, жасыл-зеленый .

Ұйымдастыру кезеңі:

Шаттық шеңбері:

Армысың қайырымды аспан ана!

Армысың шапағатты күн ана !

Армысың мейірімді жер ана !

Құт дарыт бар әлемді жарылқа !

Здравствуй, небо голубое!

Здравствуй, солнце золотое !

Здравствуй, свежий ветерок !

Здравствуй, маленький дружок!

Cood morning  cood morning

Cood morning to you

Cood morning cood morning

I m glad to see you

Балалармен сұрақ-жауап әңгімелесу.

-Балалар біз қай қалада тұрамыз?

-Алматы қаласында.

-Біздің қаламыз үлкен болғандықтан қаламыздың көшелерінде көліктер өте көп.Әр уақытта көшеден өткенде сақ болу керек. Жол ережесін қатаң сақтай білуіміз керек.

Жұмбақ:

Өзі сөйлей білмейді,

Бірақ тоқта, жүр дейді. (Бағдаршам )

-Дұрыс,айтасыңдар, балалар. Жұмбақтың шешуі ( Бағдаршам)

-Бағдаршам қандай қызмет атқарады?
-Бағдаршам бізді жол апаттарынан сақтайды.

-Бағдаршамның қанша көзі бар ?

-үш көзі бар
-Қызыл, сары, жасыл.

Дулат:

Айналайын абайла,

Жан-жағыңа қарайла .

Жолда жүру ережесін,

Есте сақта қалайда .

Бағдаршам келеді.

Күндіз түні жанамын ,

Дабыл беріп бәріңе .

Үш түрлі түсім бар,

Белгілі жас пен кәріге .

Мен бағдаршам боламын .

Айғаным:

Қызыл жарық жанғанда ,

Қалт тоқтай қал табанда

Сары шамы жағылса ,

Сақ абай бол барынша .

Жасыл жарық –жол ашық ,

Зымырай бер, бел асып .

Дәмелі:

Үлкен кіші қала бар,

Ой жүгіртіп қарап ал,

Көше заңы тым қатал .

Сақ болайық балалар,

Дәл ортаға жеткенде .

Сол жағыңа қарап ал,

Жол ортадан өткенде.

Оң жағыңа қарап ал,

Сақ болайық балалар.

Сұлтан :

Әйгілі үш көзді,

Бір дәу тұр үш көзді.

Оған жас кәріміз,

Бағынамыз бәріміз.

Алдияр:

Бағдаршам тәртібін ,

Ережесін білеміз.
Сақтағанда қатерден,
Сау саламат жүреміз.

Мөлдір:

Қалада көлік көп ,
Қалада апат көп.
Сақтайтын апаттан,
Тек қана бағдаршам.

Тәрбиеші:Бағдаршам өмірімізді апаттан сақтандыратын көмекшіміз.

Сергіту жаттығуы:

Қызыл көзі жанғанда,

Баспа алға абайла.

Сары көзі жанғанда,

Қарап қалма аспанға.

Жасыл көзін ашқанда,

Өте бергің жасқанба.

Тәрбиеші:

-Балалар бағдаршам туралы кім тақпақ біледі?

Аянат:

Мен көшеден өтерде ,

Бағдаршамға қараймын.

Қоймағанғой бекерге,

Жәрдемшісі ол талайдың.

Көрініс:Қоян мен қасқыр

Мақсаты: Балаларды адамгершілікке, достыққа тәрбиелеу .

Қоян: Жүгіріп келе жатып жолда қасқырды кездестіреді .

-Қасқыр сәлеметсіз бе!

-Қасқыр: Сәлеметсіз бе қоян.

-Қоян: қасқыр аяғыңа не болған ?

Қасқыр:Кеше бағдаршамның түсіне қарамай жүгіріп өтем деп аяғымды жарақаттап алдым.

Қоян: Қасқыр сен білмейсің бе? Бағдаршамның жасыл түсі жанғанда жүру керек.

Қасқыр: Жоқ білмеймін.Асығып бара жатсам да өтуге болмайды ма ?

Қоян: Жоқ, ешқашанда жасыл түс жанбай өтуге болмайды!

Бағдаршамға қарап асықпай жүру керек.

Қасқыр бағдаршам не үшін керек, сен білесің бе?

Қасқыр: Жоқ, білмеймін .

Қоян: Білмесең жүр саған көрсетейін.

Қоян қасқырға бағдаршамды көрсетеді .

Қоян:Табамын деп төтені,
Қиып өтпе көшені.
Түсін, мұны қатем деп,
Түсін, мұны қатер деп.
Қызыл, сары, жасыл,

Бір өзінде үш от,
Қызыл жанса тоқта!
Жасыл жанса тез өт.

Қасқыр: қоян рахмет, саған.Бұдан былай бағдаршамға қарап жүремін.

Тәрбиеші: Жолдан қалай өтуге болады? Балалар, қасқырға бағдаршамнан қалай дұрыс өту керектігін ойын арқылы көрсетейік
 Ойын: Абайла, бағдаршам!

Мақсаты: Балаларды жол ережесін сақтауға, ұйымшылдыққа, татулыққа тәрбиелеу.
Қасқыр: Рахмет, балалар сендерге. Жол ережесін қатаң сақтап жүруге уәде беремін.

Қорытынды бөлім:

-Иә,балалар бағдаршам әмірін тыңдай, жол ережесін сақтай білейік!