Білім айнасы газеті Республикалық газет Мақсаты:
Білімділік: Тәрбиешілер арасында ұйымдастырылған сайыс арқылы спорт туралы білімдерін кеңейту, денсаулық негізгі қимыл, спорт екенін ұғындыру. Дамытушылық: Қимыл-қозғалыс белсенділіктерін дұрыс орындауға жаттықтыру, дамыту.Спортқа деген қызығушылықтарын арттыру. Тәрбиелік: Спортқа деген сүйіспеншілікке, достыққа, татулыққа, ептілікке,жауапкершілікке, тәрбиелеу.
Көрнекі құралдар: Құрсау, қапшық, шар, бодминтон, төсеніш, үңгір, допшалар
Сайыстың барысы: Құрметті қонақтар, ойыншылар спорт жанкүйерлері балабақша арасында ұйымдастырылған «Спорт- денсаулық кепілі» атты спорттық сайысына қош келдіңіздер!
Спорт-көркі өмірдің
Спорт — досың серігің
Жаттықсаң шымыр боларсың
Шынығып өсіп толарсың — демекші бүгінгі жарысымызға қатысушы командаларымызды қарсы аламыз.
1.№3 «Балдәурен» балабақшасы
№15 «Әлия» балабақшасы
3. №16 «Ертегі» балабақшасы
Жүргізуші: Сайысымыздың ашылу салтанатын тәрбиешілеріміздің бой қыздыру жаттығуларымен ашуға рұқсат етіңіздер.
Жүргізуші:
Өнерге биік сеніңіз
Думанға қызық келіңіз
Әділқазы ел сенген
Өнерге баға беріңіз — сайысты бастамас бұрын бүгінгі ойынға әділ бағасын беретін әділқазылар алқасымен таныс болыңыздар!
1.ҚБҮО әдіскері: Қаршығаева Бақтыгүл Дәлубайқызы
2.ҚБҮО әдіскері: Молдабеков Асқар Ыбырайұлы.
3.Салауатты өмір салтын қалыптастыру орталығының меңгерушісі: Жаманқұлова Мұхаддес Режепқызы
4.№6 «Балапан» балабақша әдіскері: Орынша Бисебайқызы
Сайыстың кезеңдерімен таныстыру;
- Таныстыру.(топтың аты, эмблемасы)
- Батпақтан өту.
- Дәлдеп соғу.
- Такси.
- Қырықаяқ.
- Үңгірден өту.
- Көңілді құрсаулар.
- Кім епті.
9.Сиқырлы допшалар.
10.Құрбақа
11.Миға шабуыл
Жүргізуші:
Ақыл, көрік, сымбат бойларында жетеді.
Әлі талай сынақтардан өтеді.
Мына отырған баршаңызға.
Әр команда өзін таныстырып өтеді.
1-кезең: «Таныстыру» эмблемасы, команда аты.
2-кезең: «Батпақтан өту»
шарты: Төсеніштің қиындысымен табанның астына қойып, алға қарай жылжып жүріп келу.
3-кезең: «Дәлдеп соқ»
шарты: Бодминтонмен шарды ұрып барып, кейін ұрып келу.
4-кезең: «Такси»
шарты: Бірінші ойыншы үлкен құрсаумен жүгіріп барып, қайтарда келіп келесі ойыншыны алып кетеді.Ойын әрі қарай жалғаса береді.
5-кезең: «Қырықаяқ»
шарты: Ойыншылар аяқтың арасын ашып тізбектеліп, тұрады.Соңғы ойыншы аяқтарының астынан өтеді, ойыншылар бір-бірден алға келіп тұра береді.
6-кезең: «Үңгірден өту»
шарты: Жүгіріп келіп,үңгірден өтіп, қайтарда жүгіріп, келу.
7-кезең: «Көңілді құрсаулар»
шарты: Құрсаумен қос аяқтап,секіріп,барып қайтарда қапшық киіп секіріп келу.
8-кезең: «Кім епті»
шарты:Ойыншылар екі-екіден араларына шарды қойып жүгіріп барып келіп, шарды келесі ойыншыларға беру.
9-кезең: «Сиқырлы допшалар»
шарты: Әр топқа екі түстен допшалар беріледі, ойыншылар өздерінің допшаларын белшікпен табаққа жинайды.
10-кезең: «Құрбақа»
шарты: Алдыңғы ойыншы жүгіріп келіп, еңкейіп отырып қалады келесі ойыншы үстінен секіріп өтеді, екі ойыншы кезектесіп секіріп барады, келесі ойыншылар жалғастырады.
11-кезең «Миға шабуыл»
1.Қазақ боксының атасы атанған Кеңес одағы кезіндегі тұңғыш спорт шебері Қ.Р еңбек сіңірген жаттықтырушы. (Шоқыр Бөлтекұлы )
2.Қазақ халқының спорттық ойын түрлерін ата?
(аламан бәйге, көкпар, аударыспақ, ханталапай, асық ату, теңге алу.)
3.1980 жылғы Мәскеу олимпиадасының грек-рим күресінен Олимпиада чемпионы атанған тұңғыш қазақ? (Жақсылық Үшкемпіров)
4. 2011ж Қысқы Азияда орындары қай елде, қай қалада өтті? (Қазақстан, Астана, Алматы)
5. Атақты түрік балуаны Нұрлының жауырынын жерге тигізген қазақтың палуаны кім? (Қажымұқан Мұңайтпасов)
6.Маңғыстаудың мақтанышы ,жүгіргенде аяғы жерге тимейтін желаяғы кім? (Амин Тұяқов)
Көрсетті міне өз өнерін ойыншылар
Сайыстың соңы келіпте таянар
Жеңімпазды анықтайық қанекей
Әділқазы сайысты әділ бағалар
Әділқазылар сайыстың шарттары бойынша қорытынды шығарып жеңімпазды жариялай отырып, марапаттау рәсімін өткізілді.
Айгаракова Айтолқын Аманбаевна
№16 «Ертегі» балабақшасы
Дене нұсқаушы
Маңғыстау облысы, Жаңаөзен қаласы
